Засварлах шаардлагатай явган хүний замын судалгааг гаргав
Хотын доторх авто замын нүхэн эвдрэлийг хүйтэн асфальтбетоноор засварлах ажил үргэлжилж байна. Өнгөрсөн долоо хоногт Говил, Баянбулаг, Уурхайчин багт нийт 56.47м2 талбайг засварлав.
Аймгийн Засаг даргын орлогч М.Түмэнжаргалын өгсөн үүрэг даалгаврын хүрээнд төвийн багуудад эвдрэлтэй, нөхөх боломжтой явган замын судалгааг гаргажээ. Үүгээр 21 байршилд 220м2 талбайд нөхөлт хийх боломжтой гэж Хот тохижуулах газраас мэдээлэв. Мөн уг судалгаан дээр Хот тохижуулах газар үерийн хамгаалалтын сувгийн бетонон тагуудын эвдрэлийг нэмж, явганзамын нөхөлтд шаардлагатай материал хавтангуудыг судалж тооцоо гаргаж байна гэжээ. Түүнчлэн Хот тохижуулах газраас хавтангууд нь тарж бутарсан зарим байршлуудад нөхөлт хийж эхэлжээ.
