Аймгийн Засаг даргын үйл ажиллагааны хөтөлбөр, нийгэм, эдийн засгийн зорилтыг хэрэгжүүлэх, албаны хэмжээний бодлогын баримт бичгийн хэрэгжилтийг хангах хүрээнд хууль тогтоомжийн хэрэгжилтэд хяналт тавих, төсвийн хөрөнгө, өр төлбөр, орлого, зарлага, хөтөлбөр, арга хэмжээ, хөрөнгө оруулалтад санхүүгийн хяналт шалгалт, дотоод аудит хийж, хараат бус, бодитой дүгнэлт, зөвлөмж өгөх, эрсдэлийн удирдлагаар хангах чиглэлээр төсөвт байгууллага, төрийн болон орон нутгийн өмчит үйлдвэрийн газруудын төсөв, санхүүгийн үйл ажиллагааг сайжруулахад дэмжлэг үзүүлэх чиг үүргийг албаны дүрмээр хүлээн ажиллаж байна.

Алсын хараа

Олон Улсын дотоод аудитын тогтолцоог төлөвшүүлж, мэргэшсэн, манлайлагч байгууллага болно. 

Эрхэм зорилго

Аймгийн төсвийн хөрөнгийн зарцуулалтыг сайжруулах, хөрөнгийн үнэ цэнийг нэмэгдүүлэхэд чиглэгдсэн хараат бус, бодитой дүгнэлт гарган аймгийн удирдлагын засаглалын эрсдэлийг бууруулах, хяналтын үр нөлөөтэй тогтолцоог бий болгоход оршино. 

Чанарын бодлого

“Санхүүгийн хяналт, аудитын алба нь өсөн дэвших эрмэлзэлтэй мэргэшсэн, чадварлаг, ёс зүйтэй хүний нөөцөд түшиглэн үйл ажиллагаагаа цаг үргэлжид сайжруулан, түншлэл хамтын ажиллагааг дэмжин, харилцан үр ашигтай хамтран ажиллаж, сайн засаглалыг хэрэгжүүлэн нийгмийн хэрэгцээ шаардлагад нийцсэн чанартай хяналтыг хэрэглэгчид  хүргэнэ”.

Санхүүгийн хяналт аудитын алба нь чанарын менежментийн тогтолцоонд шаардлагатай холбогдох чиг үүрэг, төвшин, үйл явцууд дахь чанарын зорилтуудыг тодорхойлон ажиллаж байна.  

Чанарын зорилтууд

1. Өсөн дэвших эрмэлзэлтэй мэргэшсэн, чадварлаг, ёс зүйтэй хүний нөөцийг бүрдүүлнэ.
2. Санхүүгийн хяналт шалгалт, дотоод аудитын үйл ажиллагааг үе шаттайгаар сайжруулж, хууль тогтоомжийн хэрэгжилтийг ханган  ажиллана.
3. Сайн засаглалыг хэрэгжүүлж, ил тод байдлыг хангана.
4.  Хэрэглэгчдэд хэрэгцээ шаардлагад нийцсэн чанартай үйлчилгээг хүргэнэ.
5. Хамтын ажиллагааг дэмжин харилцан үр ашигтай ажиллана.

     Аймгийн Засаг даргын 2019 оны 08 дугаар сарын 15-ны өдрийн А/564 дүгээр захирамжаар Санхүүгийн хяналт, бүтэц орон тоог Төрийн захиргаа-8, Төрийн үйлчилгээ-2 нийт 10 албан хаагчидтай батлагдан ажиллаж байна.