Алсын хараа

Дэлхийн болон Монголын соёлын үнэт зүйлсийг иргэдэд тэгш, хүртээмжтэй, чанартай түгээн дэлгэрүүлж, Хангайн бүсийн тэргүүлэх байгууллага болно.

Эрхэм зорилго

Бүх нийтийн соёлын боловсролыг уламжлалт болон орчин үеийн дэвшилтэд технологитой хослуулж, нээлттэй тэгш хүртээх, соёлын үнэт зүйлсийг эзэмших, түгээх дэлгэрүүлэх, соёлын бүтээлч үйлдвэрлэл, аялал жуулчлал, инновацийг хөгжүүлэхэд чиглэнэ.

Стратегийн зорилго

Үндэсний өв соёл, түүх, урлагийн үнэ цэнийг бүс нутгийн хэмжээнд өсгөх, хүн амыг соён гэгээрүүлэхэд чиглэгдсэн соёлын үйлчилгээг өргөтгөх, олон улсын жишигт нийцсэн дэд бүтцийг бий болгох, соёлын бүтээлч үйлдвэрлэлийн нийгэм, эдийн засгийн үр өгөөжийг нэмэгдүүлж, соёлын цогц тогтолцоог бүрдүүлэн төлөвшүүүлэхэд оршино.

Энэхүү стратегийн зорилгын хүрэх үр дүнг дараах зорилтуудаар 2021-2024 онд хэрэгжүүлэхээр тодорхойллоо. Үүнд:

Стратегийн зорилт -1: Соёлын бодлого, соёлын салбарын мэдээллийн тогтолцоог бүрдүүлэх,

Стратегийн зорилт-2. Салбарын хүний нөөцийг бэлтгэх, давтан сургах, мэргэшүүлэх тогтолцоог бий болгож, тэднийг дэмжих, нийгмийн баталгааг сайжруулах бодлого боловсруулж хэрэгжүүлнэ.

Стратегийн зорилт-3. Бүх нийтийн соёлын боловсролын арга хэмжээ зохион байгуулан соён гэгээрүүлэх ажлыг идэвхжүүлж, үндэсний соёлын дархлааг нэмэгдүүлнэ.

Стратегийн зорилт-4.  Соёлын өвийн нээж илрүүлэх, хадгалах, хамгаалах, соёлын биет бус өвийг өвлөн уламжлагчдыг илрүүлэх, сурталчлах  үйл ажиллагааг хэрэгжүүлж ажиллана.

Стратегийн зорилт-5: Соёлын бүтээлч үйлдвэрлэлийг дэмжиж, нийгэм эдийн засагт үзүүлэх үр нөлөөг нэмэгдүүлнэ.

Стратегийн зорилт-6. Олон улсын стандарт, шаардлагад нийцсэн соёлын барилга байгууламжийг ашиглалтад оруулж, орон нутгийн соёл урлагийн байгууллагын хүчин чадлыг нэмэгдүүлнэ.

Стратегийн зорилт-7 Үндэсний ,сонгодог,орчин үеийн урлагийн төрлүүдийг хөгжүүлэх бодлогыг тэгш хүртээмжтэй хэрэгжүүлж, үндэсний болон олон улсын хэмжээнд өрсөлдөхүйц түвшинд хүргэнэ.

Монгол улсын Соёлын сайдын 2022 оны 01 дүгээр сарын 24-ны өдрийн А/104 дүгээр тушаалаар Нийслэлийн Соёл, урлагийн газрын бүтэц зохион байгуулалтын бүтцийг нэгдүгээр, дүрмийг хоёрдугаар, аймгийн Соёл, урлагийн газрын зохион байгуулалтын бүтцийг гуравдугаар, дүрмийг дөрөвдүгээр хавсралтаар тус тус баталсан. Аймгийн Соёл, урлагийн газар нь Газрын дарга 1, Соёл, урлагийн хэлтсийн дарга 1, Төлөвлөлт, тайлагналт, мэдээлэл технологи, цахимжилтын асуудал хариуцсан ахлах мэргэжилтэн 1, Соёл, гэгээрлийн асуудал хариуцсан мэргэжилтэн 1, Соёлын өвийн асуудал хариуцсан мэргэжилтэн 1, Урлаг, уран бүтээлийн асуудал хариуцсан мэргэжилтэн 1, Захиргаа, удирдлагын хэлтсийн дарга 1, Төсөв, хөрөнгө оруулалтын асуудал хариуцсан ахлах мэргэжилтэн 1, Хяналт-шинжилгээ, үнэлгээ, статистик мэдээ хариуцсан мэргэжилтэн 1, Нягтлан бодогч 1, Архивч-бичиг хэрэг, нярав 1, Үйлчлэгч 1 нийт 12 хүний бүрэлдэхүүнтэй үйл  ажиллагаа явуулж байна.