Алсын хараа

Дэлхийн болон Монголын соёлын үнэт зүйлсийг иргэдэд тэгш, хүртээмжтэй, чанартай түгээн дэлгэрүүлж, соёлын бүтээлч үйлдвэрлэл, аялал жуулчлалыг эдийн засгийн эргэлтэд оруулж, залуучуулын оролцоог дэмжигч Хойд бүсийн тэргүүлэх байгууллага болно. 

Эрхэм зорилго

Бүх нийтийн соёлын боловсролыг уламжлалт болон орчин үеийн дэвшилтэд технологитой хослуулж, нээлттэй тэгш хүртээх, соёлын үнэт зүйлсийг эзэмших, түгээх дэлгэрүүлэх, залуучуудын хөгжих орчин, суурь нөхцлийг бүрдүүлэх, соёлын бүтээлч үйлдвэрлэл, аялал жуулчлал, инновацийг тэргүүлэх чиглэл болгон хөгжүүлэхэд чиглэнэ.

Стратегийн зорилго

Стратегийн зорилго 1. Салбарийн хүний нөөцийг бэлтгэх, давтан сургах, мэргэшүүлэх тогтолцоог бий болгож, тэднийг дэмжих, нийгмийн баталгааг сайжруулах бодлого боловсруулж хэрэгжүүлнэ. 

Стратегийн зорилго 2. Үндэсний соёлын нэгдмэл байдлын түвшнийг нэмэгдүүлж, соёлын бүтээлч үйлдвэрлэлийг эдийн засгийн бие даасан салбар болгон хөгжүүлнэ .

Стратегийн зорилго 3. Хойд бүсэл аялах дотоод, гадаадын аялагчдын тоог нэмэгдүүлнэ. 

Стратегийн зорилго 4. Залуучуудын хөгжлийн түвшнийг нэмэгдүүлнэ.

Стратегийн зорилго 5. Соёлын харилцааг бүс нутгийн болон олон улсын хэмжээнд идэвхжүүлж, олон талт хамтын ажиллагааг хөгжүүлнэ.

Монгол улсын Соёл, спорт, аялал жуулчлал, залуучуудын сайдын 2026 оны  09 дүгээр сарын 10-ны өдрийн А/335 дугаар тушаалын нэгдүгээр хавсралтаар аймгийн Соёл урлаг, аялал жуулчлал, залуучуудын газрын бүтэц орон тоог баталсан. 

Аймгийн Соёл урлаг, аялал жуулчлал, залуучуудын газар нь Газрын дарга 1, Бодлогын хэрэгжилтийг зохицуулах хэлтсийн дарга 1, Урлаг, утга зохиолын асуудал хариуцсан мэргэжилтэн 1, Түүх, соёлын өвийн асуудал хариуцсан мэргэжилтэн 1, Соёлын үйлдвэрлэл, үйлчилгээний асуудал хариуцсан мэргэжилтэн 1, Аялал жуулчлалын асуудал хариуцсан ахлах мэргэжилтэн 1, Зорилтод бүлгийн залуучууд, сургалт хариуцсан мэргэжилтэн 1, Залуучуудын хууль, тогтоомжийн хэрэгжилт, хамтын ажиллагаа хариуцсан ахлах мэргэжилтэн 1, Захиргаа, удирдлагын хэлтсийн дарга 1, Төлөвлөлт, тайлагналт, цахимжилт хариуцсан ахлах мэргэжилтэн 1,  Төсөв, хөрөнгө оруулалтын асуудал хариуцсан ахлах мэргэжилтэн 1, Хяналт-шинжилгээ, үнэлгээ, статистик хариуцсан мэргэжилтэн 1, Соёл, соёлын өв, аялал жуулчлалын хяналтын улсын байцаагч 1, Ахлах нягтлан бодогч 1, Архив, бичиг хэрэг 1, Үйлчилгээний ажилтан 1 болж батлагдсан. Аймгийн Засаг даргын 2024 оны 974 дүгээр захирамжаар Залуучуудын ордон манай байгууллагад шилжүүлсэнтэй холбоотойгоор НҮА-аас нийт 10 ТҮ-ийн албан хаагчдыг шилжүүлэн авч 26 албан хаагчтай ажиллаж байна.