ОРХОН АЙМГИЙН
Засаг даргын захирамж
Согтууруулах ундаа худалдах, түүгээр үйлчлэх цагийн хязгаарыг түр сунгах тухай
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 60 дугаар зүйлийн 60.1.1 дэх заалт, 66 дугаар зүйлийн 66.1 дэх хэсэг, Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн 16 дугаар зүйлийн 16.2.1, 16.2.2 дахь заалт, 16.3 дахь хэсэг, 23 дугаар зүйлийн 23.1 дэх хэсэг, Засгийн газрын 2026 оны 143 дугаар “Зарим аймгийн баяр наадмын хугацааг тогтоох, хурдан морины бүсийн уралдааныг зохион байгуулах тухай” тогтоолыг тус тус үндэслэн ЗАХИРАМЖЛАХ нь:
1.Орхон аймгийн баяр наадам, Эрдэнэт хотын 50 жилийн ойн баярын өдрүүдийг тохиолдуулан аж ахуйн нэгж, байгууллага, иргэдээс ирүүлсэн хүсэлтийн дагуу 2026 оны 07 дугаар сарын 20-ны өдрөөс 26-ны өдрийг хүртэл хугацаанд аймгийн хэмжээнд согтууруулах ундаа худалдах, түүгээр үйлчлэх цагийг шөнийн 04:00 цаг хүртэл болгон сунгасугай.
2.Захирамжид дурдсан хугацаанд үйл ажиллагаа явуулахдаа холбогдох хууль тогтоомж, стандарт, эрүүл ахуйн шаардлагыг хангаж, хариуцлагатай, соёлтой үйлчилгээ үзүүлэхийг согтууруулах ундаа худалдах, түүгээр үйлчилгээ эрхэлдэг тусгай зөвшөөрөл бүхий иргэн, аж ахуйн нэгж, байгууллагуудад үүрэг болгосугай.
3.Захирамжийн хэрэгжилтэд хяналт тавьж ажиллахыг аймгийн Засаг даргын Тамгын газрын Хууль, эрх зүйн хэлтэс (М.Мөнхбаяр), Бүс, орон нутгийн хөрөнгө оруулалт, бодлого, төлөвлөлтийн хэлтэс (Ж.Бат-Өлзий), Баян-Өндөр сум (Б.Мөнхбаяр), Жаргалант сум (Л.Учрал), Цагдаагийн газар (А.Лхагвадорж), Хүнс, хөдөө аж ахуйн газар (С.Даваадорж)-т тус тус даалгасугай.
ЗАСАГ ДАРГА Б.ЗОРИГТБАЯР
Газрын харилцаа барилга хот байгуулалтын газар 
Сэлэнгэ голын сав газрын захиргаа 
Хот тохижуулах газар 
Төрийн аудитын газар Асуулт: Өрх энэ судалгаагаар амьжиргааны хэд дэхь түвшинд орсноо хаанаас лавлаж мэдэж болох вэ?
ХариултӨрх иргэн амьжиргааны хэддэх түвшинд орсноо мэдэхийн тулд баг дээр ажиллаж байгаа халамжийн мэргэжилтэнд хандаж түвшингээ шүүлгэж болно.
Асуулт: ӨАТТС-нд хамрагдаж амьжиргааны түвшин нь үнэлэгдсэн боловч түвшингээ хүлээн зөвшөөрөхгүй байгаа өрхүүд дахин үнэлгээ хийлгэх боломж байна уу?
ХариултСудалгаанд хамрагдаж амьжиргааны түвшингээ үнэлүүлсэн бол энэ оныг дуустал дахин үнэлэх үйл ажиллагаа явагдахгүй.НХҮЕГ-аас ирүүлсэн журманд 2014 оныг дуустал тогтоогдсон түвшинг дахин үнэлэх ажиллагаа хийгдэхгүй гэж заасан байгаа. Харин өөрийн мэдээлэл зөв орсон эсэхдээ эргэлзээтэй байгаа бол судалгаа өгсөн үеийн асуулгын хуудас болон СДМС-нд оруулсан мэдээлэлээ нь тулган шалгуулж болно.
Асуулт: ӨАТТС-нд хамрагдаагүй өрх энэ судалгаанд хамрагдах боломж байна уу?
ХариултТухайн үед ямар нэгэн шалтгаанаар ӨАТТС-нд хамрагдаж чадаагүй, судалгаанаас хоцорсон өрх иргэн өөрөө хүсвэл судалгаанд хамрагдах хүсэлтэй байгаа тухай өргөдлөө гаргаж судалгаанд хамрагдаж болно. Үүний тулд судалгаанд хамруулж өгнө үү гэсэн өргөдлөө НХҮХ-ийн өргөдөл гомдол хариуцсан мэргэжилтэнд өгнө. НХҮЕГ-аас уг судалгааг дахин явуулах тухай чиглэл, журам гарахаар уг судалгааг зохион байгуулж, огт хамрагдаагүй өрхүүдийг судалгаанд хамруулна.
Асуулт: Тэгвэл амьжиргааны түвшинг тогтооход өрхийн өдөр тутмын хэрэглээ нөлөөлөх үү?
ХариултЭнэ судалгаагар өрхийн амьжиргааны түвшинг тодорхойлоход өрхийн гишүүдийн амьжиргаандаа зарцуулж байгаа хэрэглээ, боловсролын түвшин, хөдөлмөр эрхлэлт, нас, хүйс, эрүүл мэнд, сууцны байдал, газар өмчилсөн болон эзэшдэг эсэх, мал тэжээвэр амьтад, түлш халаалтын байдал, орон сууц, хашаа байшингийн зээлтэй эсэх, гэрийн эд хогшил, унаа тэрэг г.м бүх үзүүлэлтээр нь тусгай аргачлалаар оноо бодогдож тодорхойлогдох юм байна. Амьжиргааны түвшинг тодорхойлох уг аргачлал нь олон улсын практикт ч өргөнөөр хэрэглэгддэг байна.
Асуулт: Өрхийн амжиргааны төвшин тодорхойлох судалгаа гэж юу вэ, үүний ач холбогдол нь?
ХариултМонгол Улсын Засгийн Газрын 2013 оны 07 сарын 09-ний өдрийн 269-р тогтоолоор нийгмийн халамжийн дэмжлэг туслалцаа зайлшгүй шаардлагатай өрхийг тодорхойлох үүднээс ӨАТТС- явуулах болсон ба ҮСХ-ны дарга ХАХНХ-ын сайдын хамтарсан тушаалаар батлагдсан аргачлалын дагуу өрхийн ам бүлийн гишүүдийн амьжиргаандаа зарцуулж байгаа хэрэглээгээр үнэлгээ өгч мэдээллийн нэгдсэн сан бүрдүүлэх үйл ажиллагаа юм. Үүнийг үндэслэн засгийн газар салбар салбартаа явуулах үйл ажиллагаа, баримтлах бодлогоо тодорхойлоход чухал ач холбогдолтой юм байна.