Малын сэг зэмийг устгалд оруулж, 2300 м2 талбайд ариутгал хийв

Хаваржилт хүндэрсэнтэй холбоотойгоор энэ сарын 14-ний байдлаар аймгийн хэмжээнд 2802 толгой мал хоргодсон мэдээллийг аймгийн Мал эмнэлгийн газраас өглөө. Зүй бусаар хоргодсон малын сэг зэм устгал, ариутгал, халдваргүйтэлд аймгийн Засаг даргын 2024 он А/161 дугаар захирамжаар 30 сая төгрөгийг зарцуулахаар шийдвэрлэсэн.

Үүний хүрээнд Мал эмнэлгийн газрын даргын 2024 оны А/05 дугаар тушаалаар “Мал амьтны сэг, зэмийг цуглуулж устгах, орчны цэвэрлэгээ халдваргүйтгэл хийх” төлөвлөгөө, удирдамжийг баталж, Баян-өндөр сумын Засаг даргын 2024 оны А/72, Жаргалант сумын Засаг даргын 2024 оны А/ 83 дугаар захирамж гаргуулан, зүй бусаар хорогдсон малын сэг зэм устгал, халдваргүйтгэлийг эхлүүлээл байна.

Тодруулбал, Жаргалант суманд 205 толгой малын сэг зэмийг сумын төвлөрсөн хогийн цэгийн Ухаа толгойд байрших устгалын цэгт, Баян-Өндөр сумын Баянцагаан багийн 25 бод малын сэг зэмийг Бөхөнгийн өврийн төвлөрсөн цэгт стандартын дагуу устгал хийж, Баян-Өндөр, Жаргалант сумдад үүссэн малын сэг, зэмийн байршил тогтоож, устгалын цэгийн 2300 м2 талбайд халдваргүйтгэл хийгээд байна.

Мэдээллийн төв