Зорилго: 

• Хүнсний тухай хуулийн 6.3, 8.5 дахь заалт, Засгийн газрын 2023 оны 344 дүгээр тогтоолоор батлагдсан журмын 2.3, 2.4, 2.5 дахь заалт, Засгийн газрын 2026 оны 286, 326 дугаар тогтоолын хэрэгжилтийг хангах, аймгийн хүн амын 2027 оны хаврын улирлын хүнсний хэрэгцээнд зориулан мах бэлтгэн нийлүүлэх аж ахуйн нэгжийг сонгон шалгаруулах. 
•  Шалгарсан аж ахуйн нэгжид 4.000.000.000 (дөрвөн тэрбум) төгрөгийг 2027 оны 7-р сарын 09 хүртэл хүүгүй ашиглуулж дэмжлэг үзүүлэх (2026 онд 3.0 тэрбум, 2027 оны 1 сард 1.0 тэрбум төгрөг)
• Хаврын улиралд хэрэглэгчдэд хүргэх үйлдвэрийн аргаар бэлтгэсэн ангилан савласан махны үнийн дээд хязгаар үхрийн мах 1 кг нь 24700 (хорин дөрвөн мянга долоон зуу)-н төгрөг, хонины мах 1 кг нь 19500 (арван есөн мянга таван зуу)-н төгрөг, ямааны мах 1 кг нь 16000 (арван зургаан мянга) төгрөгөөс дээшгүй байна. (Зарим гол нэрийн барааны дундаж үнийг 2026 оны 11-р сарын 09-ны байдлаар гаргасан статистик тоог үндэслэв).

1. Сонгон шалгаруулалтын мэдээлэл
           Сонгон шалгаруулалтын дугаар: ОАХХААГ/2026.11.13
Байршил: Орхон аймаг. Баян-Өндөр сум
Оролцогчийн саналыг битүүмжилсэн байдлаар эх хувь болон хуулбар 1 хувийн хамт 2026 оны 11 дүгээр сарын 13-ны өдрөөс 2026 оны 11 дүгээр  сарын 27-ны өдрийн 15:00 цаг хүртэл Орхон аймгийн Хүнс, хөдөө аж ахуйн газар (Орхон аймаг. Баян-Өндөр сум. Зэст баг. Захиргааны III байр, 3 давхар, 307 тоот)-т хүлээн авна. 
Оролцогчийн саналыг 2026 оны 11 дүгээр сарын 27-ны өдрийн  15:30 цагт аймгийн ЗДТГ-ын Ажлын кабинетад аж ахуйн нэгжүүдийг оролцуулан нээнэ.

2. Бэлтгэн нийлүүлэх махны хэмжээ
Нийт 210 тонн мах бэлтгэн нийлүүлнэ. Үүнд:
Багц 1: Үхрийн мах – 100 тонн
Багц 2: Хонины мах – 60 тонн
Багц 3: Ямааны мах – 50 тонн
Оролцогч нь нийт хэмжээгээр болон хэсэгчлэн оролцож болно. Махны төрөл тус бүрээр хэрэглэгчид худалдаалах үнийн саналыг ирүүлнэ.

3. Тавигдах үндсэн шаардлага
Сонгон шалгаруулалтад оролцогч аж ахуйн нэгж нь дараах шаардлагыг хангасан байна.
•    Махыг үйлдвэрийн аргаар бэлтгэсэн байх, Мал эмнэлгийн нэгдсэн системд холбогдсон байх
•    Бэлтгэсэн мах нь холбогдох улсын байцаагчийн дүгнэлт, тохирлын гэрчилгээтэй байх
•    Стандартын шаардлага хангасан мах бэлтгэж, агуулахад нөөцөлсөн байх
•    Шаардлага хангасан зоорь, агуулах, зориулалтын тээврийн хэрэгсэлтэй байх 
•    Мэргэжлийн боловсон хүчинтэй байх
•    Махыг сав, баглаа боодлын хаяг, шошготойгоор 2-3 кг-аар савлах
•    Махыг 30-аас доошгүй цэгт худалдан борлуулах (гэрээ байгуулна)

4. Бүрдүүлэх материал
Оролцогч аж ахуйн нэгж дараах баримт бичгийг бүрдүүлнэ.
1.    Аж ахуйн нэгжийн албан хүсэлт, үнийн санал.
2.    Аж ахуйн нэгжийн танилцуулга, мах бэлтгэн нийлүүлсэн туршлага
3.    Бэлтгэн нийлүүлэх махны хэмжээ, нөөцийн тооцоо
4.    Улсын байцаагчийн дүгнэлт, тохирлын гэрчилгээ.
5.    Махны гарал үүслийн баталгаажуулалт.
6.    Мах борлуулах цэгийн төлөвлөгөө
7.    Санхүүгийн өр төлбөргүй тухай дараах тодорхойлолтууд:
o    Шүүхийн шийдвэр гүйцэтгэх байгууллагын тодорхойлолт
o    Улсын бүртгэлийн гэрчилгээ 
o    Татварын байгууллагын тодорхойлолт
o    Нийгмийн даатгалын байгууллагын тодорхойлолт
o    Харилцагч банкны тодорхойлолт, банкны гүйцэтгэлийн баталгаа
8.    Сүүлийн 2 жилийн аудитаар баталгаажсан санхүүгийн тайлан
9.    Зоорь, агуулахын багтаамжийг нотлох гэрчилгээ, дүгнэлт, зураг
10.    Сав баглаа боодол, жин хэмжүүрийн баталгаажуулалтын баримт
11.    Зориулалтын тээврийн хэрэгслийн гэрчилгээ, дүгнэлт, зураг /гэрээ/
12.    Ажиллах хүчний НД-7 тайлан, мэргэжлийн үнэмлэх (малын эмч, технологич, лаборант)

5. Мөрдөх стандарт
Нөөцийн мах бэлтгэх, боловсруулах, хадгалах, савлах, тээвэрлэх үйл ажиллагаанд дараах стандартыг мөрдөнө.
•    MNS 2456:2009, MNS 2457:2009 – Махны чанар
•    MNS 5364:2011 – Мах хадгалах агуулах
•    MNS 5023:2001 – Мах, махан бүтээгдэхүүний эрүүл ахуйн үндсэн шаардлага
•    MNS 6648:2016 – Сав баглаа боодол, хаяг шошго
•    MNS 5343:2011 – Мах тээвэрлэх тээврийн хэрэгсэл

6. Материал хүлээн авах
Оролцогч нь сонгон шалгаруулалтын саналаа битүүмжилсэн байдлаар эх хувь 1, хуулбар 1 хувийн хамт бэлтгэн 2026 оны 11 дүгээр сарын 27-ны өдрийн 15:00 цагаас өмнө ирүүлнэ.
Материал хүлээн авах байгууллага: Орхон аймгийн Хүнс, хөдөө аж ахуйн газар
Хаяг: Орхон аймаг. Баян-Өндөр сум. Зэст баг. Захиргааны III байр, 3 давхар, 307 тоот 
Холбоо барих утас: 77733153 94275555

Мэдээллийн төв