2024 оны 05-р сарын 30

Энэ оны I улиралд нийтийн тээврийн үйлчилгээтэй холбоотой гомдол хамгийн ихээр иржээ 

Иргэдийн санал хүсэлтийг хүлээн авах 70353511 дугаарын утсанд ирсэн өргөдөл, гомдлын шийдвэрлэлтэд хийсэн дүн шинжилгээг даваа гаригийн Засаг даргын шуурхай зөвлөгөөнөөр танилцууллаа.   Энэ оны I улирлын байдлаар иргэдийн санал, хүсэлт хүлээн авах 70353511  дугаарын утсанд 433 өргөдөл, гомдол ирснээс 390 буюу 90 хувийг нь хуулийн хугацаанд шийдвэрлэжээ. 

Тав буюу 1.2 хувь нь шийдвэрлэх хугацаа хэтэрсэн, 38 буюу 8.8 хувь нь шийдвэрлэх хугацаа болоогүй байна. 
СӨХ-ны “Эв нэгдэл” салбар зөвлөл, Авто тээврийн төв, Цэцэрлэгжүүлэлт, ногоон байгууламжийн газар, Шүүхийн шийдвэр гүйцэтгэх газар зэрэг байгууллагууд өргөдөл, гомдлыг шийдвэрлээгүй хугацаа хэтрүүлжээ. 

Утсаар 398, цахимаар 11, биечлэн 15, бусад байдлаар 9 санал, хүсэлт, өргөдөл гомдол ирсэн байна.

Нийт ирсэн өргөдөл,гомдлыг агуулгаар нь ангилбал...

  •  Нийтийн тээврийн үйлчилгээтэй холбогдолтой асуудлаар 77,
  •  Эрүүл мэндийн үйлчилгээтэй холбогдолтой асуудлаар 53, 
  •  Халаалт, цэвэр бохир ус, шугам хоолой 38,
  • Цахилгаан шугам сүлжээ, гэрэлтүүлгийн асуудлаар 38, 
  •  Нийтийн аж ахуйн үйлчилгээтэй холбогдолтой асуудлаар 37,
  •  Худалдаа үйлчилгээний талаар 33, 
  •  Авто зам, үерийн ус зайлуулах шугам, далан цэвэрлэх, засварлах асуудлаар 23,
  • Хог хаягдлын асуудлаар 22 өргөдөл, гомдлыг тус тус иргэдээс ирүүлсэн байна.  Цаашид 70353511 утсаар ирүүлсэн өргөдөл, гомдлын шийдвэрлэлтийн 7 хоног бүрийн мэдээг аймгийн Засаг даргын шуурхай, аймгийн ЗДТГ-ын шуурхай тус бүрт танилцуулж байгаа тул 7 хоног бүрийн баасан гаригийн 18.00 цагаас өмнө шийдвэрлэж  хэвших,  аймгийн ЗДТГ-аас өргөдөл, гомдлын шийдвэрлэлтэд тогтмол хяналт тавьж, дүн шинжилгээ хийж хугацаа хэтрүүлсэн шийдвэрлэлтийг сар бүр удирдлагад танилцуулагдаж байгаа тул онцгой анхаарч ажиллахыг тус тус үүрэг болголоо. 
 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64267

Facebook

Цаг агаар

Вебийн статистик

Таны IP хаяг: 3.215.16.238
  • 23 Онлайн
  • 1050 Өнөөдөр
  • 1686 Өчигдөр
  • 6130 Долоо хоногт
  • 18432 Сүүлийн сард
  • 6953959 Нийт хандалт