2024 оны 05-р сарын 30

Булаг, Баянбулаг багийг холбосон авто зам энэ онд ашиглалтад орно 

 Баянбулаг, Булаг багийн иргэдтэй уулзаж энэ оны хөрөнгө оруулалт бүтээн байгуулалтын ажлын талаарх мэдээллээ танилцуулж, иргэдийн санал хүсэлт тулгамдаж буй асуудлыг нь сонслоо. Уулзалтад залуу үеийн төлөөлөл  идэвхтэй оролцон багийн хөгжил дэвшил, иргэдийн үүрэг хариуцлагын талаар  санал хүсэлтээ илэрхийлэв. 

Өнгөрсөн хоёрдугаар сард тус багийн иргэдтэй уулзах уулзалтаар  иргэдээс гарсан санал хүсэлтийн дагуу энэ онд камержуулалт, гудамж хооронд болон төв зам дагуу гэрэлтүүлэг, сайжруулсан шороон замын ажлыг орон нутгийн төсвөөр хийж гүйцэтгэсэн. 

Тухайлбал, Болзошгүй аваарын зардлаар дээрх хоёр багт 129 сая төгрөгийн санхүүжилтээр зургаан нэр  төрлийн ажил гүйцэтгэсэн нь  өнөөдрийн байдлаар бүгд 100 хувь дууссан. 

Түүнчлэн орон нутгийн хөрөнгө оруулалтаар Булаг, Баянбулаг багийг холбосон авто зам тавих ажил энэ онд бүрэн дуусч ашиглалтад орно. Гэрэлтүүлэг, явган замын ажил хийгдэж дууссаны дараа улсын комисс ажиллана.   Нийт 0,7 километрийн урттай, гэрэлтүүлэг, явган зам, үерийн ус зайлуулах шуудуу бүхий уг авто замын төсөвт нийт 1,4 тэрбум төгрөг зарцуулсан.

Булаг, Баянбулаг багийн иргэдээс зам засвар, шороон зам сайжруулах, инженерийн шугам сүлжээг үргэлжлүүлэх, шинээр тоглоомын талбай байгуулах гэрэлтүүлэг нэмэгдүүлэх гэх мэт саналыг гаргасан.  Уулзалтаар гарсан иргэдийн санал хүсэлтийг эрэмбэлж ирэх оны орон нутгийн төсвийн төсөлд тусгахаар болов. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64267

Facebook

Цаг агаар

Вебийн статистик

Таны IP хаяг: 3.215.16.238
  • 21 Онлайн
  • 1084 Өнөөдөр
  • 1686 Өчигдөр
  • 6164 Долоо хоногт
  • 18466 Сүүлийн сард
  • 6953993 Нийт хандалт