2024 оны 05-р сарын 30

Өнжмөл шар өвсөө шатаахгүй  байхыг анхааруулж байна

Даваа гаригийн Засаг даргын шуурхай зөвлөгөөнөөр аймгийн Онцгой байдлын газраас цаг үеийн асуудлаар мэдээлэл хийлээ. Энэ он  гарснаас  хойш эхний гурван  сарын байдлаар манай аймагт  нийт 31 удаагийн гал түймэр гарсан байна. Үүнийг  өнгөрсөн  оны мөн үетэй харьцуулахад 16.2 хувь буурсан үзүүлэлт юм.    Хэдий өнгөрсөн оны мөн үетэй харьцуулахад буурсан үзүүлэлттэй байгаа ч хаврын хуурайшилттай, салхи шуургатай үед иргэдийн санамсар болгоомжгүй үйлдлээс шалтгаалан гарах гал түймрийн гаралт ихсэх хандлагатай байна.

 Нийт гарсан гал түймрийг шалтгаан нөхцлөөр ангилбал:

  • Пийшин зуух, яндангийн цонолтоос-10
  • Ил гал /тамхи, шүдэнз, лаа, дэнлүү, арц, хүж г.м/-9
  • Цахилгаан угсралт, ашиглалт-6
  • Технологийн горим зөрчигдсөн-1
  •   Гагнуур, паялник-2
  • Ил задгай үнс нурам-2 
  • Санамсар болгоомжгүй 1 удаагийн гал түймрийн дуудлага мэдээлэл бүртгэгджээ.  

Энэ мэт иргэдийн санамсар болгоомжгүй байдлаас үүдэн хашаандаа өнжмөл шар өвс, ногоо шатаасны улмаас өөрийн болон бусдын эд хөрөнгөд хохирол учруулах, цаашлаад ногоон бүс галд өртөх эрсдэлийг дагуулж байгаа юм.   Энэ хугацаанд гал түймрийн улмаас 5 иргэнд 62 сая төгрөгийн хохирол учирч 160 сая төгрөгийн өмч хөрөнгийг авран хамгаалсан байна. 

Мөн Онцгой байдлын газраас хяналт шалгалтыг 384 аж ахуйн нэгж, байгууллага, 6153 айл өрхөд хийж нийт 2913 зөрчлийг илрүүлсний  1010 зөрчлийг арилгуулсэн байна. Харин цаг хугацаа, хөрөнгө шаардсан 1903 зөрчлийг арилгуулахаар Гал түймрийн улсын хяналтын байцаагчийн хугацаатай заавал биелүүлэх албан шаардлага-139, мэдэгдэл-107, ГТУХ-ын байцаагчийн дүгнэлт-4,гал түймэр гарсан тухай акт-5, танилцуулга-4, ажиллагаа зогсоох тогтоол-4 тус тус хүргүүлэн ажилласан байна. 

Мэдээллийн төв 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64267

Facebook

Цаг агаар

Вебийн статистик

Таны IP хаяг: 3.215.16.238
  • 21 Онлайн
  • 898 Өнөөдөр
  • 1686 Өчигдөр
  • 5978 Долоо хоногт
  • 18280 Сүүлийн сард
  • 6953807 Нийт хандалт