2024 оны 05-р сарын 30

“Тэгш боломж” төслийн хүрээнд XXVII цэцэрлэг хөгжлийн бэрхшээлтэй хүүхдүүдээ  зөөх авто машинтай боллоо 

Аймгийн ЗДТГ, БШУГ-аас "Тэгш боломж төсөл"-ийг хоёр дахь жилдээ хэрэгжүүлж байна.  Хөгжлийн бэрхшээлтэй хүүхдүүдийг  боловсролд, тэгш хамруулах нь энэхүү төслийн зорилго юм. 
 Төслийн хүрээнд  аймгийн зарим ерөнхий боловсролын сургууль, цэцэрлэгт  хөгжлийн бэрхшээлтэй хүүхдийг боловсролд тэгш хамруулах нэлээдгүй ажлыг хийж, үр дүнд хүрээд байна.  
Тодруулбал, XХVII цэцэрлэг дээр хөгжлийн бэрхшээлтэй хүүхэд сурч, боловсрох хоёр бүлгийг нээн, өнөөдрийн байдлаар 2-6 насны 24 хүүхэд боловсрол эзэмшиж байгаа аж.

Өнөөдөр аймгийн Засаг дарга С.Батжаргал, Засаг даргын орлогч А.Түвшинжаргал зэрэг албаны хүмүүс төслийн хүрээнд тус цэцэрлэгт starex Hyundai маркийн автомашиныг хүлээлгэн өглөө. 

     Засаг дарга С.Батжаргал “Ямар нэгэн бэрхшээлээс үл хамааран хүүхэд бүр боловсролын үйлчилгээг, тэгш хүртээмжтэй авах ёстой гэж үзэн “Тэгш боломж” төслийг хэрэгжүүлж эхэлсэн.
Төслийн зорилго боловсролын үйлчилгээнд хамрагдаж чадахгүй байгаа хүүхдүүдээ хөгжүүлэх, сургах зорилготой юм. Төслийн хүрээнд 27 дугаар цэцэрлэгт авто машин нийлүүлж байна. Автомашинтай болсноор хүүхдүүд маань сэргээн заслын эмчилгээндээ явах боломжтой болж байна” гэв. 

Тус автомашин нь БНСУ-д 2019 онд үйлдвэрлэгдсэн, энэ сард гаалиар орж иржээ. Сонсгол болон харааны бэрхшээлтэй иргэнд зориулсан дуут дохиолол, тэргэнцэртэй хүүхдийг зөөж тээвэрлэхээр тоноглогдсон  авто машин юм. 

       Автомашинтаай болсноор цэцэрлэгийн багш нар хүүхдүүдээ VII цэцэрлэгийн усан бассейн, “ЭБИС” сэргээн заслын клиникт явах эмчилгээнд нь зориулалтын авто машинаар зөөх боломжтой болж байна. 

Тус цэцэрлэгийн эрхлэгч Г.Батцэцэг “Хүүхдүүдээ зөөж тээвэрлэх зориулалтын автомашинтай болсондоо баяртай байна. Сэргээн заслын эмчилгээнд хүүхэд нэг удаадаа 14 хоног явах ёстой  байдаг. Манай цэцэрлэгийн хүүхдүүдэд зайлшгүй хэрэгцээтэй авто машиныг  “Тэгш боломж” төслийн хүрээнд нийлүүлж байгаад баяртай байна” гэлээ. 

      Хөгжлийн бэрхшээлтэй хүүхдүүдийг боловсролд, тэгш хамруулах зорилгоор хэрэгжүүлж буй "Тэгш боломж" төслийн хүрээнд өнгөрсөн онд I,VII, XX сургууль дээр "Хүүхдийн хөгжлийг дэмжих" төвийг байгуулсан.  Энд онд ерөнхий боловсролын гурван сургууль дээр "Хүүхдийн хөгжлийг дэмжих" төвийг нээхээр зорьж байна.   Аймгийн хэмжээнд ерөнхий боловсролын сургуульд 177, СӨБ-д 30  хөгжлийн бэрхшээлтэй  хүүхэд хамрагдаж байгаа бол боловсролд хамрагдаж чадахгүй гэртээ  байгаа 120 хүүхдийг боловсролд тэгш хамруулах нь энэхүү төслийн эцсийн зорилго юм. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64267

Facebook

Цаг агаар

Вебийн статистик

Таны IP хаяг: 3.215.16.238
  • 25 Онлайн
  • 890 Өнөөдөр
  • 1686 Өчигдөр
  • 5970 Долоо хоногт
  • 18272 Сүүлийн сард
  • 6953799 Нийт хандалт