Залуучуудын солилцоо хөтөлбөр зарлагдлаа

Өсвөр үе, залуучуудад мэргэжлийн чиг баримжаа олгох “Залуучуудын солилцоо” хөтөлбөр зарлагдлаа. Хөтөлбөрийн зорилго нь өсвөр үе, залуучуудад мэргэжлийн чиг баримжаа олгох, өндөр хөгжилтэй орны түүх, соёл, үйлдвэрлэл, техник технологитой танилцах боломжийг бүрдүүлэх, олон улсын харилцаа, харилцааны ур чадварыг хөгжүүлэх, ирээдүйн боловсон хүчнийг бэлтгэх юм.

Хөтөлбөрт аймгийн ерөнхий боловсролын сургуулийн 10, 11 дүгээр ангийн сурагчид, Политехникийн коллежийн суралцагчид, Технологийн чиглэлийн их, дээд сургуулийн оюутнууд хамрагдах боломжтой. Сонгон шалгаруулалт хоёр үе шаттай явагдах бөгөөд нэгдүгээр шат бичиг баримтын бүрдэл буюу материал шаардлага хангасан эсэх, хоёрдугаар шат англи, япон хэл дээр “Миний ирээдүй” сэдвээр илтгэл бичнэ

Үнэлгээ нь илтгэлийн агуулга, санааны тодорхой байдал, хэлний мэдлэг, илэрхийлэх чадвар, илтгэл ур чадварыг харна. Материалыг энэ сарын 1-15-ны 17:00 цаг хүртэл Залуучуудын ордон дээр хүлээн авна.

Оролцогчдод тавигдах шаардлага: Орхон аймгийн харьяалалтай байх, Сайн дурын үйл ажиллагаанд идэвхтэй оролцдог байх, Урлаг, соёлын авьяастай байх, Харилцааны соёл, багаар ажиллах чадвартай байх, гадаад хэлний мэдлэгтэй (Англи эсвэл Япон хэл)

Бүрдүүлэх материал: Анкет (холбоо барих 1–2 утасны дугаар заавал бичсэн байх), 3х4 хэмжээтэй цээж зураг, Гадаад хэлний түвшин тодорхойлох баримт (шалгалтын хуудас, сертификат)
Сайн дурын ажилд оролцож байсан тухай тодорхойлолт, Урлаг, соёлын чиглэлээр гаргасан амжилтыг нотлох баримт

Хөтөлбөрийн мэдээлэл: Шалгарсан 8 оролцогч нь 2026 оны 10 дугаар сард Япон Улсын Тоокамачи хотод зохион байгуулагдах “Залуучуудын солилцоо” хөтөлбөрт 7 хоногийн хугацаанд хамрагдана.

Санхүүжилт: Япон Улсад байх хугацааны (7 хоног) зардлыг Орхон аймгийн Засаг даргын Тамгын газар хариуцна
Оролцогч нь Япон Улс руу зорчих хоёр талын нислэгийн зардлыг өөрөө хариуцна

Холбоо барих: Залуучуудын ордон, Ахлах мэргэжилтэн Б.Отгонхишиг, Утас: 94977794