Зургаадугаар сарын 1-нийг “Эрдэнэт хүүхэд хөгжил” уриан дор тэмдэглэнэ

Энэ жил Орхон аймаг Олон улсын хүүхдийн эрхийг хамгаалах өдрийг “Эрдэнэт хүүхэд хөгжил” уриан дор тэмдэглэн өнгөрүүлэхээр бэлтгэл ажил хангаж байна. Зургаадугаар сарын 1-нд А.Амарын талбай, “Эрдэнэт цэцэрлэгт хүрээлэн”, “Эрдэнэт спорт амралтын хүрээлэн” гэсэн гурван байршилд хүүхэд бүрийн насны онцлогт тохирсон соёл, урлаг спортын арга хэмжээнүүд болно.

Энэ жилийн хүүхдийн баярын онцлог нь зургаадугаар сарын 1-нд зориулж тухайлан бэлдсэн урлаг соёлын арга хэмжээ бус энэ хичээлийн жилд боловсролын салбарт хэрэгжүүлсэн төслүүдийн үр дүнд сурсан мэдсэнээ ерөнхий боловсролын сурагчид бусдадаа хуваалцах юм.

Тодруулбал, “Хүүхдийн хөгжил” төслийн хүрээнд ерөнхий боловсролын 200 сурагч үкүлэлэ хөгжим эгшиглүүлнэ. Мөн урлагийн төрөлжсөн сургалттай “Уран эгшиг сургууль”, спортын төрөлжсөн сургалттай “Ирээдүй-Одод” сургуулийн сурагчдын олон сонирхолтой урлаг, спортын үзвэрүүд тоглогдоно.

А.Амарын талбайд....

Нээлтийн арга хэмжээ А.Амарын талбайд 11:00-14:00 цаг хүртэл үргэлжилнэ.
12:00-13:30 цаг Аймгийн шилдэг хүүхдүүдийн тоглолт, спортын үзүүлбэр
10:00-13:30 цаг Үлгэрийн баатрууд нийт хүүхдүүдэд мэндчилгээний бөмбөлөг түгээх, гарын бугуйвч зүүж өгөх

Спортын арга хэмжээ:

10:00-17.30 3х3 сагсан бөмбөгийн тэмцээн U 17-18 нас
12:00-15.30 Унадаг дугуйн уралдаан /насны ангилал: 4-6 нас 7-8 нас 9-10 нас/ /Үйлчилгээний төвөөс – Чандмань төв хүртэлх төв замын хэсэгт явагдана/

Урлагийн арга хэмжээ:

13:30-15:30 Талбайн зургийн уралдаан /насны ангилал: 4-6 нас 7-8 нас 9-12 нас/, /3-16 байраас-3-22 байрны арын төв замын хэсэгт явагдана/
13:30-15.30 Дууны тэмцээн /Насны ангилал: 4-5 нас 6-9 нас , 9-12 нас/
10:00-13:00 цаг Эрүүл хүүхэд-эрүүл шүд өртөө
16:00-17:00 Open dance арга хэмжээ
10:00 – 20:00 цаг Худалдаа үйлчилгээ, хоол үйлдвэрлэл, хүүхдийн тоглоомын үйлчилгээ

“Эрдэнэт” цэцэрлэгт хүрээлэнд....