11 дүгээр хорооллын халаалт, хүчдэл муу гэх асуудалд хийсэн үзлэгийн дүнг танилцуулав
Өнгөрсөн долоо хоногийн баасан гарагийн Засаг даргын өргөтгөсөн шуурхай хуралдаанаар дулааны асуудалтай газруудад газар дээр нь очиж үзлэг хийх, 11-р хорооллын халахгүй байгаа, хүчдэл унаж буй шалтгааныг тодорхойлж баримтжуулан энэ долоо хоногийн шуурхай хуралдаанд танилцуулахыг үүрэг болгосон. Үүрэг даалгаврын дагуу “Эрдэнэт Ус” ОНӨХК-иас ажлын хэсэг гарган 11-р хорооллын хувийн орон сууцтай айл өрхүүдэд үзлэг хийж байна гэж мэдээллээ.
11-А хэсэгт УДТТ-4-14 хэсэг: “Орчлон тулга” ХХК-ний шугам ашиглалтад орж, иргэн Хүрэлчулууны эзэмшлийн шугамд холбогдсон айлуудыг салгаж, шинэ шугамаас холболт хийсэн. Тухайн хэсгийн халаалт хэрэглээний халуун усны чанар хүртээмж сайжирсан хэрэглэгчдээс гомдол санал ирүүлээгүй байна. Одоо иргэн Хүрэлчуулууны шугамд 15 орчим айл үлдсэн байна.
11-А хэсэгт УДТТ-4-15 хэсэг /Унага цэцэрлэгийн хойд хэсэг/:
Тухайн УДТТ-ийн төгсгөлийн хэсэгт даралт температур хүрэлцэхгүй байна Иймд:
• УДТТ-4-15-ын халаалтын ялтсан бойлерыг задалж цэвэрлэсэн
• “ЭДЦС” ТӨХК-тай хамтран УДТТ-ийн зарцуулалтыг нэмэгдүүлэхээр хамтран ажиллаж байна.
• Тухайн УДТТ-тэй ойр байрлах хэрэглэгчдийн гадна шугамд шайба суурилуулсан. Гадна шугам сүлжээний тохируулга шалгалтыг ажлыг хийж байна.
• Мөн 11-р хороолол А хэсгийн хэрэглэгчдийн цахилгаан хангамж 220В хүрэлцэхгүй ТП-213-ийн төгсгөлийн 22 айл өрхийг ТП-275 дэд станц руу шилжүүлж цахилгааны ачааллыг тэнцүүлсэн.
• 11Б хэсэгт: Үндсэн 11-р хорооллын хэсгийн нийт айл өрхүүдийн гадна шугам сүлжээгээр үзлэг шалгалт хийхэд 2026-2027 оны өвөлжилтийн бэлтгэл ажлын хүрээнд хийсэн тохиргоо үр дүнтэй байсан тул айл өрхүүдийн халаалт хэвийн байв.
• 11В хэсэгт: Тухайн хэсгийн төлөвлөлтийн дагуу хэрэглэгчдийн татсан шугам сүлжээг орон нутгийн төсөв хөрөнгөөр хэрэглэгчдээс худалдан авах шаардлагатай байна.
• 11Г хэсэгт: Тухайн хэсэг нь одоогоор халаалтын асуудалгүй. УДТТ-ийн хүчин чадал болон гадна шугамын хүчин чадал хангалттай байна
Мэдээллийн төв
