2024 оны 05-р сарын 30

“Нөхөрлөл,Тэмүүлэл, Амжилт” уриан дор  700 гаруй тамирчид  Орхон аймагт нэгдлээ 

Монголын бүх ард түмний XVI наадам, Монголын хүүхдийн спортын VII наадмын албан ёсны нээлтийн арга хэмжээ  өнөөдөр  Орхон аймаг, Эрдэнэт хотын Хангарьд паласт боллоо.   “Нөхөрлөл, тэмүүлэл, амжилт” уриан дор өвлийн спортын наадам энэ сарын 6-нд снөүбоардын төрлөөр эхэлж, өчигдөр гүйлтийн цанын тэшүүрийн төрөл амжилттай явагдаж улсын аваргууд тодорсон юм. 

Орхон аймаг,Эрдэнэт хот өвлийн спортын зам талбай, тэмцээн уралдаан зохион байгуулж байсан туршлага, зочид буудал, дэд бүтэц, харилцаа холбооны хөгжилд тулгуурлан Улаанбаатар хотын төвлөрлийг сааруулж, аймгийнхаа хүн амаа өсгөх бодлогын хүрээнд  Монгол Улсын Засгийн газрын 2018 оны 183 дугаар тогтоолын дагуу спортын өвлийн наадмуудыг зохион байгуулах эрхийн төлөө өрсөлдсөн. 

Засгийн газрын тохируулагч агентлаг Биеийн тамир спортын улсын хорооны даргын 2022 оны А/208 дугаар тушаалаар Монголын бүх ард түмний спортын өвлийн XVI  наадам, Монголын хүүхдийн спортын өвлийн VII наадмыг зохион байгуулах эрхийг Орхон аймагт олгосны дагуу аймгийн Засаг даргын 2023 оны А/02 дугаар захирамжаар зохион байгуулах хороо байгуулагдаж, тус наадмуудын бэлтгэлийг хангаж, өнөөдөр ийн  амжилттай нээлтээ хийлээ. 
Энэ удаагийн спортын  өвлийн  наадам нь анх удаа  орон нутагт хоёр  наадмыг нэгэн зэрэг хамтад нь зохион байгуулж байгаагаараа өмнөх наадмуудаасаа онцлог болов.   Мөн Орхон аймагт болж буй өвлийн спортын наадмаас үгийг СГЗ Д.Дашдондов, аяыг Н.Эрдэнэбаатар нарын  зохиосон "Би монгол тамирчин" сүлд дуу мэндэлж анхны сонсогчид нь их спортын тамирчид, зочид төлөөлөгчид болов. Ийн Монголын өвлийн олимпийн сүлд дуу  “Би монгол тамирчин”  Орхон аймгаас төрлөө. 

Нээлтийн арга хэмжээнд Засгийн газрын тохируулагч агентлаг Биеийн тамир, спортын улсын хорооны дарга О.Баттулга, Соёлын яамны Төрийн нарийн бичгийн дарга Ч.Энх-Амгалан, аймгийн Засаг даргын орлогч, зохион байгуулах хороон дарга А.Түвшинжаргал,  “Эрдэнэт үйлдвэр” ТӨҮГ-ын Ерөнхий инженер Т.Батмөнх болон нийслэл, аймгуудын Засаг даргын орлогч нар, Биеийн газрын удирдлагууд оролцлоо.

Өвлийн спортын наадмын зургаан төрөлд нийслэлийн 4 дүүрэг, 12 аймгаас Монголын бүх ард түмний спортын XVI наадамд 244 тамирчин 17 дасгалжуулагч, Монголын хүүхдийн спортын өвлийн VII  наадамд 417 тамирчин, 24 дасгалжуулагч 567  багц медалийн төлөө өрсөлдөж байна. 

Мэдээллийн төв 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64267

Facebook

Цаг агаар

Вебийн статистик

Таны IP хаяг: 3.215.16.238
  • 20 Онлайн
  • 1050 Өнөөдөр
  • 1686 Өчигдөр
  • 6130 Долоо хоногт
  • 18432 Сүүлийн сард
  • 6953959 Нийт хандалт