2022 оны 11-р сарын 29

Цагийн зохицуулалттай цэцэрлэг нээн ажиллуулах ААН-ыг дэмжин ажиллана 

       Аймгийн Засаг даргын шуурхай хуралдаан хуралдаж Засаг дарга С.Батжаргал удирдан явууллаа. 
Тэрээр: Бага насны хүүхдийг түр харах үйлчилгээ үзүүлэх цагийн зохицуулалттай цэцэрлэг ажиллуулах, энэ төрлийн хувийн хэвшлийн цэцэрлэгийг дэмжин ажиллах талаар мэдэгдэв. Энэ нь “Эцэг эх, асран хамгаалагчид хүүхдээ үлдээгээд  ажлаа амжуулах тэр боломжийг нээж өгч буй хэрэг гэдгийг онцоллоо. 
      Мөн манай аймагт зохион байгуулагдаж байгаа гамшгаас хамгаалах иж бүрэн сургуульд төрийн байгууллагууд бэлтгэл бэлэн байдлыг ханган ажиллах, орон сууцны барилга ихээр баригдаж байгаа хорооллуудад төлөвлөлтийн алдааг засч сайжруулах, оюут баг 2А хорооллын дунд цэцэрлэгт хүрээлэн байгуулах газрыг судлах зэрэг үүрэг даалгавруудыг өглөө. 
       Түүнчлэн шуурхай хуралдааны үеэр өнгөрсөн долоо хоногт өгөгдсөн үүрэг даалгаврын биелэлт танилцуулагдаж мэдээлэл өгөв.

      Тодруулбал: Аймгийн хэмжээнд үйл ажиллагаа явуулж байгаа ерөнхий боловсролын 24 сургуулийн захирлуудтай ГХУСЗСЗ, Цагдаагийн газар хамтран хариуцлагын гэрээ байгуулсан. Энэ нь сургууль орчмын бүсэд хүүхдийн аюулгүй байдлыг хангах, хуулиар хамгаалагдсан эрхийг зөрчигдөхөөс урьдчилан сэргийлэх ажилд ерөнхий боловсролын сургуулийн захирлуудын үүрэг хариуцлагыг дээшлүүлж, сурагчдын эрх зүйн мэдлэгийг нэмэгдүүлэх зорилготой юм. 
       Эрүүл ахуйн тухай хуулийн 7 дугаар зүйлийн 7.5 дахь заалт худалдаа, үйлчилгээний байгууллага нь эрүүл ахуйн нөхцөл, шаардлага хангасан, үйлчлүүлэгч чөлөөтэй ашиглах боломжтой ариун цэврийн өрөө, гар угаах хэрэгсэлтэй байна гэсэн заалтуудыг аж ахуйн нэгжүүд ажлын байран дээрээ хэрэгжүүлж ажиллахыг холбогдох байгууллагуудад албан бичиг хүргүүлж, зарим ААН-дэд хяналт тавин ажиллаж байна. 

Мэдээллийн төв 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.236.65.63
  • 5 Онлайн
  • 181 Өнөөдөр
  • 419 Өчигдөр
  • 600 Долоо хоногт
  • 6276 Сүүлийн сард
  • 6681743 Нийт хандалт