Ачит-Ихт ХХК Ерөнхий боловсролын I сургуулийн химийн кабинетыг тохижууллаа
Орхон аймаг, “Ачит-Ихт” ХХК-ийн 2026 оны хамтын ажиллагааны хүрээнд ерөнхий боловсролын 1 дүгээр сургуулийн химийн кабинетыг 85 сая төгрөгөөр иж бүрэн тохижуулж, тоног төхөөрөмжөөр хангалаа. Тус компани 2017 оноос хойш орон нутгийн засаг захиргааны байгууллагатай хамтран ажиллаж ирсэн бөгөөд энэ хугацаанд 2.7 тэрбум төгрөгийн хөрөнгө оруулалтыг нийгмийн бүхий л сабарт хийжээ. Тэр дундаа боловсрол, эрүүл мэнд, байгаль орчны салбарт олон төсөл, арга хэмжээг хэрэгжүүлж ирсэн байна.
Үүний нэг тод жишээ нь ерөнхий боловсролын 9 дэх сургуульд химийн кабинетыг иж бүрнээр тохижуулж буй явдал юм. Сурагчдын мэдлэг оюунд хөрөнгө оруулалт хийсэн энэхүү ажлын үр дүнд химийн хичээлийг сонирхон судлах хүүхдүүдийн тоо өсөж, сурлагын амжилтад тодорхой үр дүн гарч буй талаар албаныхан хэлж байв. 2023 оноос “Ачит-Ихт” ХХК-ийн нэрэмжит химийн хичээлийн анги нийтийг хамарсан масс олимпиадыг тогтмол зохион байгуулж ирсэн.
Эдгээр ажлын үр дүнд сургалтын чанар 6.83 хувиар ахиж, улсын олимпиадад оролцогчдын тоо хоёр дахин нэмэгдсэн нь хамтын ажиллагааны үр дүн юм. Ерөнхий боловсролын Нэгдүгээр сургуульд химийн кабинет тохижуулж өгснөөр тус сургууль энэ хичээлийн жилээс эхлэн 7 дугаар ангийн сурагчдын дуднд “Ирээдүйн химичид” дугуйланг ажилуулж эхэлсэн байна. Энэ онд Орхон аймаг, “Ачит-Ихт” ХХК хамтын ажиллагааны хүрээнд 11 арга хэмжээг нэг тэрбум төгрөгийн хөрөнгө оруулалтаар хэрэгжүүлэхээр төлөвлөсөн билээ.
Мэдээллийн төв
