Ерөнхий шалгалтад 27 иргэн тэнцлээ
2026 оны I улирлын Төрийн албаны ерөнхий шалгалтыг гуравдугаар сарын 2,3-нд зохион байгууллаа. Аймгийн хэмжээнд шалгалтад оролцохоор 90 хүн бүртгүүлсэн бөгөөд нэг хөгжлийн бэрхшээлтэй иргэн байв.Шалгалтад 69 иргэн буюу 76,6 хувь нь оролцлоо.
Нийт оролцогчдын 19 нь буюу 28 хувь нь эрэгтэй, 50 буюу 72 хувь нь эмэгтэй байна. Насны ангиллаар авч үзвэл, 18-25 насны төлөөлөл 14 буюу 20.2 хувь, 26-40 насны төлөөлөл 40 буюу 57.9 хувь, 41-55 насны төлөөлөл 15 буюу 21.7 хувийг эзэлж байна. Шалгалтад орсон 69 оролцогчийн 27 буюу 39.1 хувь нь тэнцэж, төрийн жинхэнэ албаны нөөцөд бүртгэгдэх боломжтой боллоо.
Шалгалтыг зохион байгуулах салбар комисс, ажлын хэсэгт 10 албан хаагч үүрэг гүйцэтгэж, хариуцсан чиг үүргээ шуурхай хэрэгжүүлж ажиллав. Шалгалтын зохион байгуулалттай холбоотой гомдол санал гараагүй, техникийн саатал, тасалдал гараагүй болно гэж Төрийн албаны зөвлөлийн Орхон аймаг дахь Салбар зөвлөлөөс мэдээллээ.
Мэдээллийн төв
