Монгол Улсын заан цолтнуудад хүндэтгэл үзүүлэх барилдаан болно

Монгол Улсын заан цолтой бөхчүүдэд хүндэтгэл үзүүлэх хүчит 128 бөхийн барилдаан дөрөвдүгээр сарын 12-нд Монгол бөхийн өргөөнд болно. Уг барилдааныг хоёр жилд нэг удаа зохион байгуулдаг бөгөөд энэ жил “Эрин зууны бахархал Эрдэнэт” хотын 50 жилийн ойн хүрээнд болж буйгаараа онцлогтой.

Монгол Улсын заан цолтнуудад хүндэтгэл үзүүлэх барилдааныг 1996 онд тухайн үеийн үндэсний бөхийн өнгийг тодорхойлж, бөх сонирхогч, наадамчин олноо уран мэхээрээ баясгаж байсан залуу зургаан зааны алдар гавьяа, амжилтыг алдаршуулах зорилгоор анх зохион байгуулж эхэлсэн түүхтэй.

Үүнээс хойшхи 14 дэх барилдаанаа “Эрин зууны бахархал Эрдэнэт” хотын 50 жилийн ойн хүрээнд зохион байгуулахаар бэлтгэл хангаж байна. Барилдааны түрүү бөх 20 сая, үзүүр бөх 10 сая, шөвгөрсөн бөх нь 5 сая төгрөгийн бай шагналтай.

Улсын заан цолтой бөхчүүдэд хүндэтгэл үзүүлэх барилдаанаар дамжуулан Монгол бөхийн уламжлал, дэг жаяг, цол хүндэтгэлийг хойч үедээ таниулан мэдүүлж, аймаг орон нутгийнхаа хүүхэд, залуусыг үндэсний бөхийн спортоор хичээллэх сонирхлыг нь нэмэгдүүлж ирсэн онцгой барилдаануудын нэг юм.

Үндэсний бөхийн спорт сонирхогч Та бүхнийг Эрин зууны бахархал Эрдэнэт хотын 50 жилийн ойн хүрээнд зохион байгуулж буй Орхон аймгийн Засаг даргын нэрэмжит “Монгол Улсын заан” цолтой бөхчүүдэд хүндэтгэл үзүүлэх хүчит 128 бөхийн барилдаанд хүрэлцэн ирэхийг урьж байна.

Мэдээллийн төв