Эрдэнэт хотын 50 жилийн ойн арга хэмжээг найруулах найруулагчийн сонгон шалгаруулалт зарлагдлаа

ҮНДЭСНИЙ ИХ БАЯР НААДАМ, ЭРДЭНЭТ ХОТЫН 50 ЖИЛИЙН ОЙН НЭЭЛТ ХААЛТЫН АЖИЛЛАГАА, АРГА ХЭМЖЭЭНИЙ ЗОХИОЛ, НАЙРУУЛГЫН
ТӨСЛИЙГ БОЛОВСРУУЛАХ УДИРДАМЖ

Жич: Төслийн материалыг 2025 оны 1 дгээр сарын 8 наас 02 сарын 10 хүртэл Соёл урлаг, аялал жуулалчлалын газрын 204 тоот өрөөнд хүлээж авна. /Залуучуудын ордон/ Холбогдох утас: 99021806

НЭГ. Ерөнхий зүйл
1.1. Энэхүү удирдамжийн зорилго нь Үндэсний их баяр наадам, Эрдэнэт хотын 50 жилийн хүрээнд цэнгэлдэх хүрээлэнд зохион байгуулагдах нээлт, хаалтын ажиллагаа, арга хэмжээг зохион байгуулах, төслийн баг зохиол, найруулгын төсөл бэлтгэхтэй холбоотой шаардлагыг хангахад оршино.

ХОЁР. Соёл, урлагийн арга хэмжээнд тавигдах ерөнхий шаардлага
2.1. Тулгар төрийн 2235, Их монгол Улсын 820, Үндэсний эрх чөлөө, Тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жил, Эрдэнэт хотын 50 жилийн ойн үндэсний их баяр наадмын Нээлт, хаалтын ажиллагаа, арга хэмжээ нь Монгол Улсын тусгаар тогтнол, бүрэн эрхт байдал, үндэсний эв нэгдэл, төрт ёс, түүх, соёл, өв уламжлал, зан заншлыг билэгдсэн, илэрхийлэл бүхий агуулга, зохиол, найруулгатай байх;
2.2. Наадмын нээлт, хаалтын ажиллагаа, арга хэмжээний утга санаа, зохион байгуулалтыг Үндэсний их баяр наадмын тухай хууль, Төрийн ёслол хүндэтгэлийн дэг журамд нийцүүлсэн байх;
2.3. Соёл, урлагийн арга хэмжээ нь уламжлал шинэчлэлийг хослуулж, ирээдүй хойч үе, хүүхэд залуучуудын хүсэл эрмэлзлийг илэрхийлсэн, дэлхийн соёл, урлагийн хөгжлийн түвшинд хүрэхийг тэмүүлсэн гэх мэт өргөн утга санааг тусгасан байх;
2.4. Наадмын нээлт, хаалтын ажиллагаа, арга хэмжээ нь нэгдсэн агуулга бүхий уялдаа холбоотой, төгс шийдэлтэй байх;
2.5. Зохион байгуулалтын хувьд өмнөх жилүүдэд зохион байгуулагдсан арга хэмжээний найруулга, утга санаа, арга хэлбэрийг хуулбарлаагүй, бүтээлч бүхий шинэлэг байх;
2.6. Орчин үеийн шинэ дэвшилтэт техник тоног төхөөрөмжийг ашиглахаар төлөвлөсөн байх;
2.7. Тухайн жилд мэргэжлийн урлагийн байгууллагуудад шинээр болон сэргээн тавигдсан уран бүтээлүүдийг хамруулах;
2.8. Олон улсын соёл, урлагийн томоохон арга хэмжээний нээлт /Парис, АНУ, БНХАУ, БНСУ г.м/-ийг судлан үзэж, олон улсын жишигт дөхөхүйц хэмжээний утга төгөлдөр, хүчин чадал бүхий найруулгын бүтээл төлөвлөсөн байх;
2.9. Эрдэнэт хотын эдийн засаг, соёл, боловсрол, технологи, нийгмийн хөгжлийн дэвшлийг илэрхийлсэн, үндэсний уламжлалт хэл соёл, урлагийн төрөл зүйл, ёс заншил, уламжлал, нүүдэлчин ахуй, гар урлал зэрэг үндэсний соёлын өвөрмөц нандин өв соёлоо харуулсан байх;
2.10. Тайз, гэрэл, дууны эффект, тоног төхөөрөмжийн орчин үеийн техник технологийн дэвшлийг ашигласан байх;
2.11. Дуу, гэрэл, тэсрэлтийн төрөл бүрийн эффект, өндөр, нам, өнгөт ёслолын буудлага болон бусад шоу концертын орчин үеийн техник хэрэгслийг ашиглан утга санаа бүхий гэрэл, салютын найруулга бүхий тоглолтыг багтаасан байх;

ГУРАВ. Үндэсний их баяр наадам, Эрдэнэт хотын 50 жилийн ойн нээлт, хаалтын ажиллагаа, арга хэмжээг зохион байгуулах найруулгын
төсөлд тавигдах шаардлага
3.1. Соёл, урлагийн арга хэмжээг найруулах ерөнхий найруулагч, туслах найруулагчдыг сонгож, зохиол, найруулгын төслийг боловсруулж, төсвийн төслийн баримт бичгийн хамт ирүүлэх;
3.2. Соёл, урлагийн үндэсний болон томоохон нийтийг хамарсан арга хэмжээг зохион байгуулсан туршлагатай байх;
3.3. Мэргэжлийн чадварлаг уран бүтээлчид, зохион байгуулагчид /хөгжим, дуу бүжгийн найруулагч, бүжиг дэглээч болон гэрэл дууны техникийн ажилтнууд, зохион байгуулагч/-аас бүрдсэн баг бүрэлдэхүүнтэй байх;
3.4. Салют, тэсрэлтийн хэрэгсэл, өндрийн ёслолын буудлагын найруулга, техник ажиллагааны мэргэшсэн ажилтантай байх буюу хамтран ажиллах гэрээ байгуулсан байх;
3.5. Багаар ажиллах, арга хэмжээг эрсдэлгүй хариуцлагатай зохион байгуулах ХААБ-ын ажилтантай байж зохион байгуулагчид, уран бүтээлчдийн аюулгүй байдлыг хангасан байхаар төлөвлөсөн байх;
3.6. Наадмын соёл, урлагийн арга хэмжээг зохион байгуулах, оролцох сонирхолтой сайн дурын ажилтнуудыг ажиллуулах, маркетинг, менежментийн баг бүрэлдэхүүн ажиллуулан, арга хэмжээний талаарх төлөвлөлт, төслийн баримт бичгийг хавсаргаж ирүүлэх;

ДӨРӨВ. Найруулгын төслийн баримт бичигт тавигдах шаардлага
4.1. Соёл, урлагийн арга хэмжээний төслийн баримт бичиг нь зохиол, найруулгын төсөл, тайз, талбайн засал чимэглэлийг үзүүлсэн өнгөт зураг /А3/,3D дүрсжүүлсэн хэлбэрээр хялбаршуулсан хөдөлгөөнт байдлаар үзүүлсэн үзүүлэн, танилцуулга /РРТ/ зэргээс тус тус бүрдүүлэх;
4.2. Тогтвортой арга хэмжээний олон улсын стандартыг мөрдлөг болгон төслийн баримт бичгээ боловсруулах; /ISO-20121 standart for sustainable events management, www, iso, org/
4.3. Соёл, урлагийн арга хэмжээний зохион байгуулалтын нэгдмэл удирдлага, хөдөлмөрийн аюулгүй ажиллагаа, эрүүл ахуй, мэдээлэл харилцааны шуурхай, уялдаа холбоог ханган хариуцан ажиллах;
4.4. Төслийн баг нь энэхүү удирдамжийн хавсралтын дагуу техникийн болонсанхүүгийн саналаа тус тус ирүүлэх;
4.5. Төсвийн төслийн санхүүгийн санал нь дараах бүрдэл хэсэгтэй байх;
4.5.1. Нийт арга хэмжээний найруулагчийн ажлын хөлс
4.5.2. Арга хэмжээний техникийн үйл ажиллагааны зардал /үйлдвэрлэлийнзардал/
4.5.3. Арга хэмжээнд оролцох уран бүтээлчдийн ажлын хөлс
4.5.4. Төсвийн төслийн дэлгэрэнгүй

ТАВ. Найруулгын төслийн шалгаруулалт
5.1. Үндэсний их баяр наадам, Эрдэнэт хотын 50 жилийн ойг Зохион байгуулах хороо сонгон шалгаруулалтыг хийж , тогтоол гарган гэрээ байгуулах эрх олгоно.

5.2. Тогтоолоор батлагдсан төслийн багтай Үндэсний их баяр наадмыг Зохион байгуулах хорооны Урлаг, соёлын арга хэмжээний салбар хороо гэрээ байгуулан, хэрэгжилтэд хяналт тавин ажиллана.

Хавсралт
ҮНДЭСНИЙ ИХ БАЯР НААДАМ, ЭРДЭНЭТ ХОТЫН 50 ЖИЛИЙН ОЙН НЭЭЛТ, ХААЛТЫН АЖИЛЛАГАА, АРГА ХЭМЖЭЭГ ЗОХИОН БАЙГУУЛАХ
ТЕХНИКИЙН САНАЛД ИРҮҮЛЭХ МАЯГТ