Аймгийн 296 ээж “Алдарт эх"-ийн одонгоор шагнууллаа
![](https://mail.erdenet.mn/images/news/f4109fe1686a363e42f8746e2ced845a.jpg)
Монгол Улсын Ерөнхийлөгчийн зарлигаар “Алдарт эхийн 1,2” дугаар одонгоор шагнагдсан ээжүүдийн шагналыг өнөөдөр аймгийн удирдлагууд хүндэтгэлтэйгээр гардууллаа. Олон улсын хүүхдийн эрхийг хамгаалах өдрийг угтан, Олон хүүхэд төрүүлж өсгөсөн эхийг урамшуулах тухай хууль болон Үндсэн хуульд заасан бүрэн эрхийнхээ хүрээнд Монгол Улсын Ерөнхийлөгч зарлиг гаргасан билээ.
Энэ жил улсын хэмжээнд 12,559 ээж алдарт эхийн одонгоор шагнуулж байгаа бол манай аймгаас 296 эх “Алдарт эх”-ийн одон хүртлээ.
Үүний 20 нь I одон, 276 нь II одон байв. “Алдарт эх”-ийн одон гардуулах ёслолын үйл ажиллагааг аймгийн ЗДТГ-ын Төрийн захиргааны удирдлагын хэлтэс хариуцан зохион байгуулсан бөгөөд угталтаас эхлээд үдэж гаргах хүртэлх арга хэмжээг онцгой анхаарсан хэмээн онцлов.
Дашрамд дурдахад, Алдарт эхийн одонг 1958 оноос эхлэн АИХТ-ийн Зарлигаар нийслэл болон хөдөө орон нутагт олгож эхэлжээ.
Мэдээллийн төв