“Өвлийн идэш-2023” арга хэмжээ маргааш эхэлнэ
Аймгийн ЗДТГ, Хүнс, хөдөө аж ахуйн газраас хамтран гурав дахь жилдээ “Өвлийн идэш-2023” арга хэмжээг зохион байгуулах гэж байна. Арга хэмжээ энэ сарын 6-наас 10-ныг хүртэл Наамдын талбайд үргэлжилнэ.
Өртгөтгөсөн худалдаанд Архангай, Булган, Сэлэнгэ, Хөвсгөл аймгийн малчид оролцож Мал эмнэлгийн цахим гэрчилгээтэй хүнсний аюулгүй байдал, эрүүл ахуйн шаардлага хангасан мах махан бүтээгдэхүүн, цагаа идээгээ гар дээрээсээ иргэдэд худалдан борлуулах юм. Мөн мах худалдан борлуулах үйл ажиллагаанд аймгийн Мал эмнэлгийн газар хяналт тавьж, шаардлагатай тохиолдолд Мал эмнэлгийн лабораторид магадлан шинжилгээг хийж гүйцэтгэхээр бэлтгэл ажлыг хангаж байна.
Мэдээллийн төв
