7, 19 дүгээр цэцэрлэгийн инженерийн шугам сүлжээг шинэчилнэ
Олон жилийн насжилттай, инженерийн шугам сүлжээний ашиглалтын хугацаа нь дууссан Уурхайчин багийн 7, Хүрэнбулаг багийн 19 дүгээр цэцэрлэгийн инженерийн шугам сүлжээг Болзошгүй аваарын зардлаар шинэчилнэ.
Уурхайчин багийн 7 дугаар цэцэрлэг 1989 онд ашиглалтад орсон, өдгөө 37 дахь жилдээ, Хүрэнбулаг багийн 19 дүгээр цэцэрлэг 1986 онд ашиглалтад орсон, 40 дэх жилдээ үйл ажиллагаа явуулж байна.
Аймгийн Засаг дарга Б.Зоригтбаяр холбогдох албаныхны хамтаар цэцэрлэгүүдийн эцэг, эхийн төлөөлөл, багш ажилчид болон тухайн багийн төлөөлөгчдийн санал хүсэлтийн дагуу
нөхцөл байдалтай танилцсан.
Үзлэгээр цэцэрлэгүүдийн инженерийн шугам сүлжээний ашиглалтын хугацаа дуусаж, шинэчлэх шаардлагатай болсныг мэргэжлийн байгууллагаас тогтоосон тул 7 дугаар цэцэрлэгийн гадна бохирын шугам, 19 дүгээр цэцэрлэгийн инженерийн шугам сүлжээг бүрэн шинэчлэхээр болов. Дээрх хоёр цэцэрлэгийн шугам сүлжээний хэвийн байдлыг хангаснаар багш, ажилчид, хүүхдүүд сурч, ажиллах таатай орчин бүрдэнэ.
Мэдээллийн төв
