Энэ онд 239.4 тэрбум төгрөгийн 182 төсөл арга хэмжээг хэрэгжүүлнэ
Орхон аймгийн 2026 оны худалдан авах ажиллагааны төлөвлөгөөнд 239.4 тэрбум төгрөгийн 182 төсөл арга хэмжээг төлөвлөсөн.
Үүнд, улсын төсвийн хөрөнгөөр 19.4 тэрбум төгрөгийн 4 төсөл арга хэмжээ, орон нутгийн төсвийн хөрөнгө оруулалтаар 213.1 тэрбум төгрөгийн 158 төсөл арга хэмжээ,авто замын сангийн хөрөнгөөр 2.7 тэрбум төгрөгийн 1, Байгаль хамгаалах сангийн хөрөнгөөр 2.6 тэрбум төгрөгийн 14 төсөл арга хэмжээ, 2025 оны шилжих үлдэгдлээс зарцуулахаар 1.2 тэрбум төгрөгийн 2 төсөл арга хэмжээ, төсөл хөтөлбөрийн зардлаас 165.0 сая төгрөгийн 3 төсөл арга хэмжээг тус тус төлөвлөсөн.
Орхон аймгийн 2026 оны худалдан авах ажиллагааны төлөвлөгөөнд тусгагдсан 180 худалдан авах ажиллагааг дараах журмаар зохион байгуулахаар төлөвлөсөн.
Үүнд, нээлттэй тендер шалгаруулалт-127, харьцуулалтын арга-35, шууд худалдан авалт-15, Ерөнхий гэрээ арга 1, нэг эх үүсвэрээс худалдан авах-4 байна. Орхон аймгийн 2026 оны худалдан авах ажиллагааны төлөвлөгөөнд тусгагдсан 180 худалдан авах ажиллагааг төрлөөр ангилбал ажил 119, бараа 55, үйлчилгээ 8 байна.
Төлөвлөгөөнд тусгагдсан ажлуудыг бүтцээр нь ангилбал:
- Барилга байгууламж шинээр барих, өргөтгөх дуусгах 43.8 тэрбум төгрөгийн 12
- Инженерийн шугам сүлжээний засвар, шинэчлэл 4.5 тэрбум төгрөгийн 6
- Цахилгаан хангамж, гэрэлтүүлгийн ажил 20.8 тэрбум төгрөгийн 10
- Авто зам, зогсоол 116.6 тэрбум төгрөгийн 34
- Амралт чөлөөт цагийн талбай орчны тохижилтийн ажил 17 тэрбум төгрөгийн 30
- Барилгын засварын ажил 10.8 тэрбум төгрөгийн 23
- Камержуулалт, шилэн кабель, гэрлэн дохио хийх ажил 1 тэрбум төгрөгийн 4
- Бараа, тоног төхөөрөмж худалдан авалт 19.5 тэрбум төгрөгийн 55 арга хэмжээ тус тус байна.
2026 оны худалдан авах ажиллагаа төлөвлөгөөнд тусгагдсан хуваарийн дагуу явж байна гэж Худалдан авах ажиллагааны газраас мэдээллээ.
Мэдээллийн төв
