2026 оны хамтын ажиллагааны гүйцэтгэлийн төлөвлөгөөнд гарын үсэг зурлаа

Төрийн 30 байгууллагын удирдлагуудтай 2026 оны гүйцэтгэлийн төлөвлөгөө болон 8 Өрхийн эрүүл мэндийн төвийн дарга нартай хамтран ажиллах гэрээнд гарын үсэг зурлаа. Жил бүр өмнөх оны ажлын гүйцэтгэлээ дүгнэж, дараагийн жилийн төлөвлөгөөг боловсруулан баталдаг билээ.

Гүйцэтгэлийн төлөвлөгөөг боловсруулж хэрэгжүүлэх нь төрийн байгууллагын үйл ажиллагааг илүү үр ашигтай, хариуцлагатай, ил тод болгох, бодлогын баримт бичгүүдийг бодит үр дүнд хүргэх, ажлын гүйцэтгэлийг бодитоор үнэлэхэд чухал ач холбогдолтой юм. Аймгийн Засаг дарга Б.Зоригтбаяр “2026 он аймгийн 2026-2030 оны үндсэн чиглэлийг хэрэгжүүлэх гарааны жил. Засгийн газар болон аймгийн Засаг даргын 2024-2028 үйл ажиллагааны хөтөлбөрийг хэрэгжүүлэх гол ажлуудаа хамтдаа хэрэгжүүлж, үр дүн гаргасан жил болно гэдэгт итгэлтэй байна” гэлээ.

Мөн тэрээр, 2026 онд Эрдэнэт хотын 50 жилийн ой тохиож буй. Аймгийн ИТХ-аас ойг тэмдэглэх тогтоол гаргаж, Засаг даргын захирамжаар ойн арга хэмжээг зохион байгуулах ажлын хэсгийг байгуулан 100 гаруй арга хэмжээг төлөвлөн хэрэгжүүлж байна. Байгууллага тус бүр төрөлх хотынхоо түүхт 50 жилийн ойг угтаж шинэлэг бүтээлч санаачилга дэвшүүлж, төрийн үйлчилгээний соёл, чанар, хүртээмжийг нэмэгдүүлэх, байгууллагын орчин нөхцөлөө тохижуулах, төрийн албан хаагчдынхаа ажлын бүтээмжийг дээшлүүлэх талаар бодит ажил төлөвлөх нь зүйтэй” гэлээ.

Аймгийг хөгжүүлэх бодлогын баримт бичгүүдийг хэрэгжилтийг хангах талаар 2025 онд аймгийн Засаг даргаас Монгол Улсын сайд нартай хамтран ажиллах гэрээг байгуулан хэрэгжилтийг хангаж ажилласнаар 4 сайдын гэрээний хэрэгжилтээр улсын хэмжээнд эхний 3 байрыг эзэлсэн.

Мөн аймгийн ЭМГ, Цагдаагийн газар, ХХҮГ, Татварын газар, ХГБХХГ, НДГ, ГХБХБГ, БТСГ зэрэг байгууллагууд 2025 оны үйл ажиллагаагаараа салбартаа эхний 3 байрыг эзэлсэн.
Өрхийн эрүүл мэндийн төвүүд 2025 оны гэрээний хэрэгжилтийн дундаж 89,9 хувьтай үнэлэгдсэн байна.

Мэдээллийн төв