Өргөтгөсөн шуурхай хуралдаанаар Засаг дарга Б.Зоригтбаяр дараах үүрэг даалгаврыг холбогдох албаныханд өглөө.

2026 оны  төсвийн төсөлд тусгах  ажлын  саналыг аваад дуусаж байна.  Ажлын хэсэг байгуулагдсан. Энэ жилийн хөрөнгө оруулалт, бүтээн байгуулалтын ажлуудыг  эрчимжүүлэхэд анхаарч байна. Он дамжин хэрэгжих нэг ажил бий. Бусад хөрөнгө оруулалтын ажлыг ондоо багтаан дуусгахаар зорьж байна. 
 Энэ жилийн хөрөнгө оруулалт бүтээн байгуулалтын ажилд учир дутагдалтай байсан зүйлсээ ирэх жил давтмааргүй байна. Тухайлбал, зураг төсөвт байхгүй, нэмэлт төсөв шаардагдсан  ажил хэд хэдэн байршилд гарч ирсэн.

 Төсвийн  тодотголоор  төсвийг нь шийдэх зэргээс улбаатай цаг хугацаа алдсан. Ирэх жил авто зам, шугам сүлжээний шинэчлэлийн ажил үргэлжлэн хийгдэнэ. Энэ жил гарсан шиг алдаа дутагдал гарахгүй байхад сайтар анхаарч зураг төслийг боловсруулаарай. Ялангуяа, Эрдэнэт ус, Эрдэнэт Булган, Мэдээлэл холбоо, Шуурхай удирдлагын төв анхаарах хэрэгтэй. Мэргэжлийн байгууллагууд газар доорх бүх мэдээллийн сангуудаа нягтлаарай. Зураг төслийг боловсруулах явцат   газар дээр нь хамтарсан үзлэг хийгээрэй.  Зурагт тусгагдаагүй ажлыг  шилжүүлэх, лотки тавих зэрэг нэмэлт санхүүжилтыг төсөвт тавиулахад анхаараарай. 

Дахин зурагт тусгаагүй ажил, төсөв нь тавигдаагүй  гэсэн шалтгаанаар  хөрөнгө оруулалтын ажлыг удаашруулмааргүй байна. 

Тиймээс ажлын хэсэг сайн нягталж, мэргэжлийн байгууллагуудыг татан оролцуулахад анхаараарай.  Иргэдтэй долоо хоног бүр уулзаж, санал хүсэлтийг нь сонсч байна.  Он гараад байгууллагуудаар тойрч, уулзалт хийсэн. Иргэдээс гарсан санал болон байгууллагуудаас гарсан саналыг орхигдуулж болохгүй. Эрэмбэлж ирэх долоо хоногт танилцуулах жагсаалтадаа оруулахыг тус тус  холбогдох албаныханд даалгалаа. 

Аваар гэмтэл гарсан шугам сүлжээг зассаны дараах орчны тохижолтын ажил орхигдоод байна. Ялангуяа, “Эрдэнэт Ус”  компанитай холбоотой. Аваар гарсан шугамуудаа засдаг ч орчин нь сэндийчсэн байдалтайгаа үлдэж байна. Шалтгааныг нь тодруулахаар явган зам, хүүхдийн тоглоомын талбайг нь сэргээн засварлах төсөв  тавигдаагүй гэх тайлбарыг өгдөг. Тиймээс тохижолтод шаардлагатай төсвийг нь тусгахад анхаараарай. Татвар төлөгчдийн мөнгөөр хийсэн тохижолтын ажлыг нөгөө нэгийг нь засах нэрийдлээр буцаан сүйтгээд байж болохгүй. Энэ алдаа дутагдлыг ирэх жилүүдэд гаргахгүй байхад анхаарах нь зүйтэй. 

2026 оны улсын төсвийн төсөлд манай аймагтай холбоотой 5 хөрөнгө оруулалт бүтээн байгуулалтын ажлын төсөв тусгагдсан.  Үүнд, 2а хорооллын сургууль, цэцэрлэг, 7а хорооллын сургууль, Баянбулагийн 16-р сургуулийн спорт заал, спортын төрөлжсөн сургалттай “Ирээдүй Одод” сургуулийн дотуур байрны барилгын санхүүжилт байна. 
Бусад барилга байгууламжийн  төсөв одоогоор төсвийн төслийн жагсаалтад ороогүй байна.   Хуулийн хэлтэс дуусаагүй байгаа барилгуудыг эцэслээд орон нутгийн төсвийн төсөлд тусгах ажлыг яаравчилхад анхаарахыг тус тус чиглэл болголоо. 

Мэдээллийн төв