НААДАМ: Шинэ морь барианы газрын тохижилт 90 хувьтай үргэлжилж байна
Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Орхон аймгийн баяр наадмын хурдан морины уралдааныг зохион байгуулах салбар комиссын даргаар аймгийн ЗДТГ-ын Цэргийн штабын дарга, хурандаа Б.Энхбаяр, нарийн бичгийн даргаар "Эрдэнэт хүлэг" морин спорт уяачдын холбооны Нарийн бичгийн дарга Н.Отгонбаяр ажиллаж байна.
Морины бүртгэлийг энэ сарын 8-ны өдрийн 09:00-21:00 цаг хүртэл зохион байгуулна. Уяачид унаач хүүхдийн эцэг, эхтэй хийсэн гэрээ хүүхдийн даатгал, эрүүл мэндийн даатгалын дэвтэр зэрэг уламжлал ёсоор бүртгүүлэхдээ авч ирдэг бичиг баримтын бүрдлээ хангах шаардлагатай. Долоодугаар сарын 9,10,11-ний өдрүүдэд хурдан морины уралдааныг зохион байгуулна. 9-нд сонгомол 3 нас, 10-нд азарга, их нас, шүдлэн, хязаалан, 11-нд даага, соёолон уралдана. 5:00-17:00 цагт Цэнгэлдэх хүрээлэнд морьдоо цоллоно.
Орхон аймаг энэ жилийн үндэсний их баяр наадмынхаа хурдан морины уралдааныг өөрийн аймгийн нутаг дэвсгэрт зохион байгуулж буйгаараа онцлогтой. Тодруулбал, сүүлийн 20 гаруй жил Орхон аймгийн баяр наадмын хурдан морины уралдаан Булган аймгийн Бугат сумын нутаг дэвсгэрт зохион байгуулж ирсэн. Тус сумын нутаг дэвсгэр газар тариалангийн бүс нутаг учраас хашаалсан талбайн хэмжээ сүүлийн жилүүдэд нэмэгдсэнээс үүдэлтэй хурдан морь уралдааны зам талбай хумигдсан. Тиймээс Орхон аймаг баяр наадмынхаа хурдан морины уралдааныг цаашид өөрийн аймгийн нутаг дэвсгэрт зохион байгуулахаар Сархиа уулын Сархиагийн аманд бэлтгэлээ хангаж, 90 хувьтай үргэлжилж байна Морь бариа орчимд 300 орчим хүний суудалтай саравч, 2 боловсон 00, тайзны ажил бэлэн болсон.
Мэдээллийн төв
