2024 оны 02-р сарын 28

Өрхийн эмнэлгүүд амралтын өдрүүдэд 11:00-16:00 цаг хүртэл ажиллана 

Аймгийн хэмжээнд томуу, томуу төст өвчний халдвар нэмэгдэж  байгаатай холбоотойр зарим хариу арга хэмжээг авч хэрэгжүүлж эхэллээ.   Түргэн тусламжид 331 дуудлага ирсний 27,8 хувь нь томуу, томуу төст өвчний дуудлага эзэлж байгаа аж.  Үүнийг өнгөрсөн долоо хоногтой харьцуулахад 6,9 хувиар нэмэгдсэн, өнгөрсөн оны мөн үетэй харьцуулахад 15 хувиар өссөн үзүүлэлт юм.  БОЭТ-ийн Хүүхдийн тасаг нийт 55 ортой, нэмэлтээр 115 ор нэмж дэлгэж нийт 170 ор ажиллаж байна. /Халдвартын тасагт 30 ор байна/. Насаар нь ангилж үзвэл 0-1 нас 50, 1-2 нас 40,  0-3 нас 151  буюу 87 хувийг эзэлж, нийт өвчлөлийн 94 хувийг   амьсгалын замын өвчлөл эзэлж байна. 

БОЭТ-ийн захирлын  2023 оны  А/123 тоот тушаалаар бусад тасаг нэгжээс  2 их эмч, 32 сувилагч, 1  үйлчлэгч нийт  35  ажилтныг  хүүхдийн тасагт нэмэлтээр  ажиллуулж эхлүүлсэн.  Тухайлбал, Сэргээн засах тасгаас 1 сувилагчийг хүүхдийн физик эмчилгээний кабинетад ажиллуулж байгаа бол  Хүүхдийн амбулаторийн  их эмчийн тоог 1-ээр нэмэгдүүллээ. 

 Халдвартын тасагт нээн ажиллуулж байгаа 30 хүүхдийн оронд 1 их эмч, 5 сувилагч, 2 үйлчлэгчийг нэмэлтээр ажиллуулж байна. Мөн  хүлээн авах хэсэг дээр орой 16 цагаас  24 цаг хүртэл  нэмэлтээр 3 эмч, 1 сувилагчийг  ажиллуулж эхэллээ. 

Аймгийн Засаг даргын А/616 захирамжаар батлагдсан Аймгийн ЗДТГ, ЭМГ, БОЭТ, өрхийн эрүүл мэндийн төвөөс бүрдсэн томуу, томуу төст өвчний хариу арга хэмжээг зохион байгуулах ажлын хэсэг  өчигдөр хуралдсан. 

Хурлаар....

  • Мэндцэцэн, Нийцэл, Учралтбаяр, Үйлсбадрах  зэрэг   4 өрхийн эрүүл мэндийн төв  ажлын өдрүүдэд 18:00-20:00 цаг хүртэл ажилласан хэвээр байна.
  • Хувийн хэвшил, өрхийн эрүүл мэндийн төвүүдийн эмч нарыг БОЭТ-ийн хүүхдийн хүлээн авахад нэмэлтээр ажиллуулж ачааллыг бууруулахаар шийдвэрлэв. 
  • Бүх өрхийн Эрүүл мэндийн төвүүд хагас, бүтэн сайн өдрүүдэд 11:00-16:00 цагийн хооронд ажиллах хуваарь гаргалаа.

Эцэг, эх асран хамгаалагчдыг  бага насны хүүхдээ дагуулж  олон нийтийн газраар явахгүй байх явахгүй байх, хамар, залгиураа давс эсвэл содын уусмалаар зайлах, ханиад шуухинаа хүрсэн хүүхдийг гэрт нь асрах, шингэн сайн  уулгах, эмчийн зөвлөмжийг ягштал хэрэгжүүлэхийг эмч мэргэжилтнүүд зөвлөж байна. 

Мэдээллийн төв 


 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57572

Facebook

Цаг агаар

Вебийн статистик

Таны IP хаяг: 44.222.218.145
  • 9 Онлайн
  • 339 Өнөөдөр
  • 580 Өчигдөр
  • 1536 Долоо хоногт
  • 10892 Сүүлийн сард
  • 6893674 Нийт хандалт