2024 оны 03-р сарын 29

Өсвөрийн үндэсний хөгжимчдийн “Уран эгшиг” VIII уралдаан өнөөдөр эхэллээ 

Аймгийн Засаг даргын нэрэмжит, хоёр жилд нэг удаа зохион байгуулдаг өсвөрийн үндэсний хөгжимчдийн “Уран эгшиг”  VIII уралдаанд оролцохоор 16 аймгаас 60 гаруй багш 320  хүүхэд  манай аймагт ирээд  байна.  Өнөөдөр 9:00 цагт Уурхайчин соёлын ордонд улсын  уралдааны нээлтийн үйл ажиллагаа  боллоо.  Энэ жилийн VIII уралдаан нь  Орхон аймаг, Эрдэнэт хотод урлагийн төрөлжсөн сургалттай “Уран эгшиг” ерөнхий боловсролын сургуулийг байгуулж, үүдээ нээсэнтэй давхцаж буйгаараа онцлог болж байна. 
     Орхон аймгийн ерөнхий боловсролын дөрөвдүгээр сургуулийн дэргэдэх хөгжмийн сургууль гэж байхад 2008 онд дугуйлангийн хүүхдүүдийн дунд “Уран эгшиг” уралдааныг анх зохион байгуулж байсан түүхтэй. 

Үүнээс хойш хоёр дахь уралдаанаас эхлэн  цар хүрээгээ тэлж Монгол орны дөрвөн зүг найман зовхисоос авьяаслаг хүүхдүүд оролцдог, шударга өрсөлдөөнтэй, мэргэжлийн нэр хүнд бүхий шүүгч нартай, үндэсний хөгжмийн төрөл тус бүрээр зохион байгуулдаг улсын хэмжээнд хүлээн зөвшөөрөгдсөн томоохон уралдааны нэг болжээ. 
Энэ удаагийн улсын уралдаан  нь бага, дунд, өсвөр гэсэн гурван насны ангиллаар ёочир, шанз, морин хуур зэрэг үндэсний найман хөгжмийн төрлөөр оролцогч хүүхдүүд авьяас билиг, ур чадвараа сорих юм. 

 

Нээлтийн арга хэмжээнд Засаг дарга С.Батжаргал, Засаг даргын орлогч,  VIII дахь уралдааныг зохион байгуулах ажлын хэсгийн ахлагч А.Түвшинжаргал, аймгийн Соёл урлагийн газрын дарга А.Уранчимэг, Баян-Өндөр сумын Засаг дарга Б.Баасансүрэн, “Уран эгшиг” сургуулийн захирал А.Төгсжаргал нарын албаны хүмүүс оролцов. 
Мөн улсын уралдааны  шүүгчээр ажиллахаар МУСГЗ хөгжим судлаач Ч.Буянхишиг, МУУГЗ хөгжмийн зохиолч Б.Цэрэндондов, МУСТА Б.Ганболд, СУИС-ийн багш, Монголын морин хуурын төвийн уран сайхны удирдагч, хөгжмийн зохиолч МУСТА П.Мөнхжин, өсвөрийн үндэсний хөгжимчдийн “Уран эгшиг” уралдааныг анхлан санаачлагч Монгол Улсын соёлын болоод боловсролын тэргүүний ажилтан Д.Пүрэвсүрэн, Уралдааны ерөнхий зохион байгуулагч МУСТА Ш.Мөнхжаргал зэрэг урлаг соёлын салбарын алдартнууд ажиллах юм. 

Уралдаанд оролцохоор ирсэн 320  хүүхдүүдийн 190 орчим нь морин хуурын төрөлд оролцохоор бүртгүүлжээ. 

МУСГЗ хөгжим судлаач Ч.Буянхишиг “Анх удаа “Уран эгшиг” улсын наадмын шүүгчээр ажиллах гэж байгаадаа сэтгэл өндөр байна. Хол ойроос их олон хүүхдүүд цугласан  байна. Аливаа тэмцээн уралдааны чадвар, чансаа нь эхлэл нээлтээсээ харагддаг. Сая нээлтийн арга хэмжээг үзээд их л өндөр ур чадвартай оролцогч нартаа тэмцээн болох нь гэж бодож суулаа. Энэ олон авьяастнуудыг шүүж хэнийг нь хасч, хэнийг нь дараагийн шатанд үлдээх вэ гэдгийг шүүхэд их хүндхэн  байх болов уу. Сэтгэгдэл их өндөр байна” хэмээн сэтгэгдлээ хуваалцсан юм. 

Нээлтийн арга хэмжээний үеэр  өсвөрийн хөгжимчдийн “Уран эгшиг” улсын  VIII уралдааны хүндэт цомыг анхдугаар уралдааны гранпри шагналт Н.Уянга, удирдсан багш аймгийн IV сургуулийн дэргэдэх хөгжмийн сургуулийн ятга хөгжмийн багш МУСТА Ш.Мөнхжаргал, “Уран эгшиг” улсын VII уралдааны гран при шагналт нийслэлийн “Хаан хуур” сургалтын төвийн багш МУСТА Ц.Батгэрэл хүндэтгэлтэйгээр заллаа. 

Мэдээллийн төв 

 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 184.72.135.210
  • 9 Онлайн
  • 343 Өнөөдөр
  • 539 Өчигдөр
  • 2262 Долоо хоногт
  • 19553 Сүүлийн сард
  • 6914321 Нийт хандалт