Эрдэнэт хотын 50 жилийн ойн баяр наадмын үеэр хоол үйлдвэрлэл, худалдаа, үйлчилгээ эрхлэх хүсэлтэй аж ахуйн нэгж байгууллагын  бүртгэлийг ирэх сарын 3-нд цахимаар  зохион байгуулна.  Цахим бүртгэл 2026 оны 07 дугаар сарын 03-ны 08:00 цагт нээгдэж, 18:00 цагт хаагдана.

https://zuvshuurul.erdenet.mn  хаягт хандахад Наадмын талбай, Морь бариа гэсэн 2 цэс байна. Эндээс үйлчилгээ явуулах газраа сонгон асуумжийг үнэн зөв бөглөж, скайнeрдаж бэлдсэн бүрдүүлэх бичиг баримтыг хавсаргана. 

 АНХААРУУЛГА:

• Материал дутуу бол бүртгэлд орж, баталгаажихгүй.
• 1 аж ахуйн нэгж, иргэнд зөвхөн 1 зөвшөөрөл олгогдоно.
• Хоол, худалдаа, үйлчилгээ эрхлэгчид цагаан өнгийн, жигд асартай байна.
• Тог цахилгаан, цэвэр усны  үнийг БТСГ-т, хогны төлбөрийг ХТГ-т тушаана.
• Хүүхдийн тоглоомны үйлчилгээ эрхлэгчид ХАБ болон хүүхдийн аюулгүй байдлыг чанд мөрдөж ажиллана.
• Хоол үйлдвэрлэл явуулахаар баталгаажсан иргэн, аж ахуйн нэгжид 2026-07-06 ны 10:00 цагт Хүүхэд, гэр бүл, хөгжил хамгааллын газрын хурлын танхимд, Худалдаа, үйлчилгээ явуулах эрх баталгаажсан иргэн, аж ахуйн нэгжүүдэд 2026-07-06 ны  15:00 цагт Хүүхэд, гэр бүл, хөгжил хамгааллын газрын хурлын танхимд зөвшөөрөл олгоно.

  НААДМЫН ТАЛБАЙ хэсэгт нэвтэрч үйлчилгээний төрлөө сонгоно. 

А хэсэг /Наадмын талбайн хашаан доторх хэсэг/

•  Павильон /хуушуур/
•  Шорлог
•  Хүүхдийн тоглоомууд /том, жижиг овортой/
• Уран бичиг, нүүрний зураг
• Зайрмаг
•   Зурагчин
•    Кофе шоп, bubble tea, смүүти

Б-1-р хэсэг /Наадмын талбайн арын машины том зогсоол/

•      Асартай хоол үйлчилгээ
•      Хүнсний худалдаа

Б-2-р хэсэг /Наадмын талбайн арын машины жижиг зогсоол/

•      Машинтай хоол үйлчилгээ
•      Айраг /асартай/

В-1-р хэсэг /Барааны зах буюу Хангайн бүс худалдааны төвийн урдах машины зогсоол/

•  Бараа худалдаа, бусад

  МОРЬ БАРИАНЫ хэсэгт нэвтэрч үйлчилгээний төрлөө сонгоно. 

•  Гэр хуушуур
• Шорлог
•  Машинтай хоол үйлчилгээ
•  Хүнс худалдаа
•  Кофе шоп /Bubble tea, смүүти/
•  Бараа худалдаа, бусад
•  Хүүхдийн тоглоом /том, жижиг овортой/
• Хөдөлгөөнт тоглоом

БҮРДҮҮЛЭХ МАТЕРИАЛ:

 Хоол үйлдвэрлэл эрхлэгчид /хуушуур, шорлог, бусад/:

1. Иргэн, аж ахуйн нэгжийн хүсэлт, холбогдох утасны дугаар
2. Тогоочийн үнэмлэх
3. Хүнсний чиглэлийн үйл ажиллагаа эрхлэгчийн бүртгэлийн хуудас /ХХААГ-т бүртгүүлж авна/.
4. Тогооч, ажилчдын эрүүл мэндийн дэвтэр /урьдчилан сэргийлэх үзлэг, шинжилгээнд сүүлийн 6 сард хамрагдсан, лабораторийн эрхлэгчээр баталгаажсан байх/

    Хүнсний худалдаа эрхлэгчид /зайрмаг, кофе, bubble tea, бусад/
1.    Иргэн, аж ахуйн нэгжийн хүсэлт, холбогдох утасны дугаар
2.    Хүнсний түүхий эд, бүтээгдэхүүний гарал үүсэл нь тодорхой, шинжилгээний баталгаажилттай байх
3.    Ажилчдын эрүүл мэндийн дэвтэр /урьдчилан сэргийлэх үзлэг, шинжилгээнд сүүлийн 6 сард хамрагдсан, лабораторийн эрхлэгчээр баталгаажсан байх/
4.    Хүнсний чиглэлийн үйл ажиллагаа эрхлэгчийн бүртгэлийн хуудас /ХХААГ-т бүртгүүлж авна/.

      Үйлчилгээ эрхлэхэд бүрдүүлэх матeриал /тоглоом, фото зураг, art зураг, бусад/
1. Иргэн, аж ахуйн нэгжийн хүсэлт, утасны дугаар
2. ААН-ийн гэрчилгээний хуулбар, иргэн бол иргэний үнэмлэхийн хуулбар
 

БАЯР НААДМЫН ХУДАЛДАА, ҮЙЛЧИЛГЭЭНИЙ САЛБАР ХОРОО 

Мэдээллийн төв