2024 оны 06-р сарын 25

“Эрдэнэт ШУТП” ОНӨҮГ дэргэдээ мөөг тариалах сургалтын төвийг нээж, анхны суралцагчид 40 кг хясаан мөөг хураан авлаа

“Эрдэнэт ШУТП” ОНӨҮГ дэргэдээ мөөг тариалах сургалтын төвийг нээж, анхны суралцагчид 40 кг мөөгөө хураан авлаа. Өнгөрсөн оны сүүлээр "Монголын таримал мөөгний нэмүү өртгийн сүлжээ" ГҮТББ-тай хамтран эхлүүлсэн энэхүү ажил дараагийн суралцагчдаа бэлтгэхээр бэлдэж  байна.  

“Эрдэнэт ШУТП” ОНӨҮГ тус сургалтын төвийг шаардлагатай бүхий л тоног төхөөрөмжөөр тохижуулж, ТББ-аас мөөгний хөрс, үр зэргийг нь нийлүүлжээ.   “Агаар сэлгэлт, сайтай сэрүүн орчинд мөөг ургахад хамгийн тааламжтай байдаг. Мөн хөрсөө бэлдэх нь чухал. Монгол Улсад хөгжөөд удаагүй байгаа энэхүү салбар Орхон аймгийн иргэдэд том боломж юм. Ялангуяа гэр бүлээрээ эрхлэхэд хамгийн тохиромжтой” хэмээн "Монголын таримал мөөгний нэмүү өртгийн сүлжээ" ГҮТББ-ын гүйцэтгэх захирал С.Мөнхжаргал  хэлж байв. 


Мөөг хүний эрүүл мэндэд хэрэгцээтэй олон бодис агуулдаг. Уургийн өндөр агууламжтэй учир малын махнаас дутахгүй шим тэжээлтэй.  Дэлхийд хоёр сая гаруй зүйлийн мөөг ургадаг бол манай оронд 400 орчим төрлийн мөөг бий. Эдгээрийн 60 гаруй хувийг нь хүнсэнд хэрэглэх боломжтой ажээ. 
Хус модноос ургадаг хясаан мөөгийг сүрлээр хөрс бэлдэх технологийн аргаар ургуулах сургалтад онол, дадлагын мэдлэгийг манай аймгийн иргэд ийн орон нутгаасаа авах боломжтой боллоо. 


Сургалтад хамрагдсан 25 иргэн таримал мөөгийг орон нутагтаа кластер хэлбэрээр хөгжүүлж, брэнд бий болгохоор зорьж байгаа талаараа суралцагч Т.Энхсүлд Р.Батчимэг нар хэлсэн. 

Мөн сургалтын төвтэй болсноор таримал мөөг кластер хэлбэрээр хөгжих,  органик орон нутгийн брэнд бүтээгдэхүүн бий болох, ажлын байр нэмэгдэх гээд олон талын ач холбогдолтой гэж үзэж байна. 

Мэдээллийн төв

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64280

Facebook

Цаг агаар

Вебийн статистик

Таны IP хаяг: 44.192.48.196
  • 2 Онлайн
  • 259 Өнөөдөр
  • 150 Өчигдөр
  • 259 Долоо хоногт
  • 8658 Сүүлийн сард
  • 6965653 Нийт хандалт