2022 оны 11-р сарын 29

Орхон аймаг иргэдийн санал хүсэлтийг цахимаар хүлээн авч шийдвэрлэнэ

      Орхон аймаг  иргэдийн санал хүсэлт, өргөдөл гомдлыг цахимаар хүлээн авч шийдвэрлэх IRGEN.ERDENET.MN вэб системийг хоёр сарын өмнөөс ажиллуулж эхэлсэн. 
Өнөөдөр уг вэб системийг танилцуулах нээлтээ хийлээ.  Манай аймаг “Цахим Эрдэнэт” болох бодлогын хүрээнд төрийн байгууллагын үйлчилгээнд ухаалаг системүүдийг нэвтрүүлэх ажлуудыг эхлүүлээд байгаа. Үүний нэг нь энэхүү иргэдийн санал хүсэлтийг цахимаар хүлээн авч шийдвэрлэх вэб систем юм. 
      Иргэд IRGEN.ERDENET.MN хаягаар нэвтрэн орж санал хүсэлт өргөдөл гомдлоо Орхон аймгийн төрийн аль ч байгууллагад хандан гаргаж болно. Ингэснээр төрийн байгууллагад биечлэн очихгүй, цаг хугацаа хэмнэх боломжтой болж байгаа юм.

    Түүнчлэн иргэд гаргасан санал хүсэлтийнхээ шийдвэрлэлтийн явцыг хянах боломжийг бүрдүүлсэн бөгөөд хүлээн авсан, хэрхэн шийдвэрлэсэн талаарх мэдээлэл иргэний гар утсанд илгээгдэнэ. Мөн уг вэб систем нь зурган мэдээлэл хүлээн авах боломжтой тул өөрт тулгамдсан асуудал, орчны аюулгүй байдлыг хангах хүрээнд засварлуулах шаардлагатай, аюул учруулж болзошгүй зүйлсийг зургаар илгээж болох юм. 

     Өнөөдөр болсон нээлтийн үеэр Баян-Өндөр, Жаргалант сумдын багийн ажлын албадад иж бүрэн суурин компьютеруудыг хүлээлгэн өглөө. Ингэснээр иргэд багийн ажлын албандаа очиж төрийн аль ч байгууллагат санал хүсэлтээ гаргах боломжийг бүрдүүлж өгч байгаа юм. Энэхүү тоног төхөөрөмжийг орон нутгийн төсвийн 59.9 сая төгрөгөөр шийдвэрлэжээ. 

Мэдээллийн төв 


Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.236.65.63
  • 4 Онлайн
  • 142 Өнөөдөр
  • 419 Өчигдөр
  • 561 Долоо хоногт
  • 6237 Сүүлийн сард
  • 6681704 Нийт хандалт