2022 оны 07-р сарын 06

“Гэр бүлийн уламжлал, хөгжлийн чиг хандлага” сэдэвт олон улсын эрдэм шинжилгээ онол практикийн бага хурал болж байна

Дэлхийн гэр бүлийн өдөр жил бүрийн тавдугаар сарын 15-нд болдог. Эл өдрийг угтан ЗДТГ-аас “Гэр бүл хөгжил оролцоо” сэдэвт сарын аяныг өрнүүлж байгаа билээ.  Үүний хүрээнд Орхон аймгийн Гэр бүл хүүхэд залуучуудын хөгжлийн газраас санаачлан ЗДТГ, Нийгмийн бодлогын хэлтэс, Баян-Өндөр сумын ЗДТГ, Маргад дээд сургууль хамтран “Гэр бүлийн уламжлал, хөгжлийн чиг хандлага” сэдэвт олон улсын эрдэм шинжилгээ онол практикийн бага хурлыг  өнөөдөр Залуучуудын ордонд анх удаа зохион байгуулж байна.
Тус хурлын зорилго нь төр улсын анхдагч нэгж болсон гэр бүлийн хөгжлийн асуудлыг олон талаас нь хэлэлцэж, туршлага солилцох, санал санаачлага дэвшүүлэх,  эрдэмтэн судлаачдын саналыг цаашид төрийн бодлогод тусган хэрэгжүүлэх юм.
Онол практикийн бага хуралд Япон, Солонгос, Орос зэрэг дөрвөн улсын эрдэмтэн судлаачид оролцож байгаагаас гадна эрүүл мэнд, соёл урлаг, боловсрол, олон нийтийн байгууллагын ажилтан албан хаагчид оролцож байна.

Хурлаар Эрдэнэт үйлдвэр ТӨҮГ-ийн дэргэдэх Эрдэнэт цогцолбор сургуулийн ахлах багш доктор, дэд профессор  Б.Энхцэцэг “Монгол гэр бүлийн өнөөгийн бүтэц, хэв маяыг тулгамдсан асуудлууд”, ГБХЗХГ-ын Хууль эрх зүйн ажилтан С.Баянзул “Гэр бүлийн уур амьсгалд ажлаас үүдэлтэй стресс нөлөөлөх нь”, Эвлэрүүлэн зуучлагч П.Бямбацэцэг “Гэр бүл салалтын өнөөгийн байдал, цаашид авах арга хэмжээ” Солонгос улсын Олон улсын сэтгэцийн боловсрол төвийн лектор, багш И Хун Лим “Солонгос гэр бүлийн нөхцөл, гэр бүлийн аз жаргал”, зэрэг  10 гаруй сэдвүүдээр илтгэл тавина. 

Мэдээллийн төв

 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.236.107.249
  • 2 Онлайн
  • 216 Өнөөдөр
  • 319 Өчигдөр
  • 819 Долоо хоногт
  • 1384 Сүүлийн сард
  • 6641225 Нийт хандалт