Төрийн албаны ерөнхий шалгалт гурав дахь өдрөө үргэлжилж байна
Төрийн албаны нөөц бүрдүүлэх зорилготой төрийн албаны ерөнхий шалгалт Орхон аймагт 3 дахь өдрөө үргэлжилж байна. Энэ удаагийн шалгалтад аймгийн хэмжээнд нийт 187 иргэн төрийн албаны ерөнхий шалгалт өгөхөөр бүртгүүлсэн. Шалгалт Нутгийн удирдлагын ордны хурлын зааланд 3 дахь өдрөө явагдаж байна.
Эхний хоёр өдрийн байдлаар 152 иргэн орохоос 141 иргэн шалгалт өгч 44 иргэн буюу 31.2 хувь нь тэнцэж нөөцөд бүртгэгдэх болзлоо хангажээ. Хамгийн өндөр оноог Б.Алтантуяа 95, М.Нарангарав 94, Г.Гэрэлбаяр 94 оноо тус тус авсан байна.
Харин өнөөдөр буюу 04.03 -ны өдөр нийт 35 иргэн 2 хэсэгт хуваагдан хуваарийн дагуу шалгалтад орно.
Шалгалт зохион байгуулах комиссын даргаар ТЗУХ-ын дарга Ш.Ганболд ажиллаж, ажлын хэсэгт Орхон аймаг дахь төрийн албаны салбар зөвлөл, аймгийн ЗДТГ, Тагнуулын газар, Цагдаагийн газар, Улсын бүртгэлийн хэлтэс, МХГ, Шүүхийн тамгын газар, Аудитын газар, мэдээллийн технологийн болон хэвлэл мэдээллийн байгууллагын ажилтнууд хамтран ажиллаж байна.
.jpg)
