Цагаанчулуут багийн 49-53 дугаар гудамжыг дахин төлөвлөн барилгажуулах хэсэгчилсэн ерөнхий төлөвлөгөөг баталлаа
“Гэр хорооллын газрыг дахин төлөвлөн барилгажуулах хэсэгчилсэн ерөнхий төлөвлөгөөний зураг төслийг “Инженер геодези” ХХК нь “Алсын хараа-2050”, “Монгол улсын бүсчилсэн хөгжлийн үзэл баримтлал, “Хот байгуулалтын тухай” хууль болон бусад холбогдох норм дүрэм журмын дагуу боловсруулж мэргэжлийн байгууллагуудаар хянуулж зураг төсөв магадлалаар баталгаажуулсан.
Нийт 11,9га талбайд хэсэгчилсэн төлөвлөлт хийж инженерийн бүрэн хангамжтай, тохилог орон сууцны хороолол бий болгоно. Үүнд: 320 хүүхдийн хүчин чадалтай хоёр цэцэрлэг, 1200 хүүхдийн нэг сургууль, худалдаа үйлчилгээний зориулалттай зургаан барилга, төрийн үйлчилгээний нэгдсэн байр, 16 давхар хүртлэх 11 блок орон сууц төлөвлөгдсөн. Мөн 1 хүнд ногдох ногоон байгууламж 6-7 м². Нийт талбайн 25% ногоон байгууламж байх онцлогтой.
Төслийг хуулийн хүрээнд гурван үе шаттайгаар 2045 он хүртэл төлөвлөсөн бөгөөд нийт 503,9 тэрбум төгрөг байхаар тооцоолол гарсан. Үүнээс инженерийн дэд бүтэц, нийгмийн дэд бүтцийн барилга байгууламжийг төр өөрийн эрх үүргийн хүрээнд хийж гүйцэтгэнэ. Энэ нь нийт төсвийн 9 хувв байхаар тооцоологдсон.
Хуулийн хүрээнд 2045 он хүртэл хэрэгжүүлэхээр төлөвлөгдсөн хэдий ч орон нутгийн зүгээс боломжит хугацаанд төслийг хэрэгжүүлэх бүрэн төлөвлөгөөг боловсруулж шаардагдах ажлуудыг 2-3 жилийн хугацаанд төлөвлөж,
Харин 91 хувийн хөрөнгө оруулалтыг барилгажилтын төслийн нээлттэй сонгон шалгаруулалтын хүрээнд орон сууц худалдаа үйлчилгээний барилга байгууламжуудыг хувийн хэвшлээр гүйцэтгүүлэхээр төлөвлөсөн.
Тухайн хэсэгчилсэн ерөнхий төлөвлөгөө батлагдсанаар тухайн байршлын нийт 113 нэгж талбарын эзэмшигч, өмчлөгчдийн эрүүл аюулгүй орчин нөхцлийг сайжруулах зорилгоор хэрэгжүүлэх гэр хорооллын газрыг дахин төлөвлөн барилгажуулах төслийн төсөл хэрэгжүүлэгчийг нээлттэй сонгон шалгаруулах зэрэг үе шаттай ажлууд хийгдэх бүрэн боломжтой боллоо.
Мэдээллийн төв
