Луу жилийн хөдөө аж ахуйн салбарын аваргууд тодорлоо
“Элдэв Эрдэнэт” хэмээх модон могой жилийн сар шинийн босгон дээр аймгийн засаг даргын 2025 оны А/93 дугаар захирамжаар дараах эрхмүүдийг “Аймгийн аварга малчин, тариаланч”-аар өргөмжиллөө. Шагналыг аймгийн ИТХ-ын дарга Д.Мөнхбат, Засаг дарга Б.Зоригтбаяр нар өнөөдөр гардуулав.
Мөн аймгийн ИТХ-ын тэргүүн дээд шагнал “Цагаан арслан” цомыг Шүүхийн тамгын газар, Эрдмийн сан сургууль, Орхон аймгийн Үйлдвэрчний эвлэлийн холбоо тус тус хүртлээ.
.JPG)
“Аймгийн аварга малчин”-аар:
• Баян-Өндөр сумын Малчин багийн малчин Мижиддоржийн Эрдэнэбат
• Жаргалант сумын Дулаан-Уул багийн малчин Жигмэдийн Мэндбаяр
• Жаргалант сумын Дулаан-Уул багийн малчин Лувсансамбуугийн Отгонбаяр
“Аймгийн аварга тариаланч”-аар:
• Баян-Өндөр сумын Эрдэнэ багийн тариаланч Буянгийн Түмэн-Өлзий
• Жаргалант сумын Улаантолгой багийн тариаланч Доржийн Урантөгс
• Жаргалант сумын Бүтлийн Ундрага ХХК-ий трактор комбайнч Баасансанжаагийн Нямдаваа нарыг тус тус шалгарлаа.
Аймгийн аварга саальчин цолыг Дулаан-Уул багийн саальчин Д.Цэрэндулам хүртлээ
“Элдэв Эрдэнэт” хэмээх сар шинийн босгон дээр Жаргалант сумын Дулаан-Уул багийн саальчин Д.Цэрэндулам “Аймгийн аварга саальчин” цол хүртлээ.
Тэрээр, 13,14 настайгаасаа ээжийгээ даган мал маллан, цагаан идээ боловсруулахад суралжээ. Энэ цагаас мал аж ахуйн салбарт ажиллаж хөдөлмөрлөсөн 32 дахь жилдээ ийн Орхон аймгийн аварга саальчин цолыг хүртэж байна.
Малынхаа чанар, ашиг шимд анхаарч үхэр сүрэгтээ Сэлэнгэ үүлдрийн бухыг сайжруулагчаар ашиглаж сүү-махны чиглэлийн үхэр үржүүлэн 70 гаруй тооны үхэр маллаж, 35-40 үнээг саалинд ашигладаг. Жилд дунджаар 14.5-16.5 тн эрүүл ахуйн стандартын шаардлага хангасан сүүг орон нутгийн зах зээлд борлуулж байна.
Мэдээллийн төв
