Өнөөдөр товлогдсон байсан аймгийн ИТХ-ын ээлжит бус II хуралдаанаар “Аймгийн 2025 оны төсөв батлах тухай”, “Аймгийн Засаг даргын 2024-2028 оны үйл ажиллагааны хөтөлбөр батлах тухай”  асуудлыг хэлэлцэж батлах ёстой байв. Хуралдаан эхэлж, төлөөлөгчид хэлэлцэх асуудалтай холбоотойгоор асуулт асууж, санал хэлсний эцэст батлах санал хураалт явуулахад төлөөлөгчийн олонх  буюу АН-ын төлөөлөгчид дэмжээгүй учир өнөөдрийн хуралдаан өндөрлөсөн.  Өөрөөр хэлбэл, хэлэлцэх асуудлаа баталж чадаагүй юм. 
Үүссэн нөхцөл байдалтай холбоотойгоор  аймгийн ИТХ-ын Зөвлөл 14:00 цагт хуралдаж, ээлжит бус III хуралдааныг ирэх мягмар гарагт буюу энэ сарын 31-ны 08:00 цагт танхим болон цахим хэлбэрээр хуралдуулж, 2025 оны төсөв, Засаг даргын үйл ажиллагааны хөтөлбөрийг тус хэлэлцүүлэхээр шийдвэрлэсэн.  

Үүссэн нөхцөл байдалд аймгийн   ИТХ-ын Ажлын албанаас хэвлэлийн хурал зарлаж, олон нийтэд мэдээлэл өглөө. 

-АН-ын төлөөлөгдөөс  ИТХ-ын Зөвлөл болон ИТХ-ын дарга хууль зөрчсөн гэх асуудлыг тавиад буй Үүнд  ИТХ-ын Нарийн бичгийн дарга Ш.Ганболд:  -Аймгийн ИТХ-ын Зөвлөлийн ажиллах журмыг 2022 онд УИХ-аас баталсан байдаг. Зөвлөлийн хурал ямар нэгэн шийдвэр гаргадаггүй. Хурлын хуралдаанаар хэлэлцэх асуудлуудын бэлтгэлийг хэрхэн хангасан байна вэ гэдгийг хэлэлцдэг. Өнөөдрийн Зөвлөлийн хурлаар хэлэлцсэн асуудлуудыг өмнө нь  Зөвлөлийн хурал болон  Хөгжлийн хороодоор хэлэлцүүлсэн. Анхдугаар хуралдаанаас бусад ээлжит болон ээлжит бус хуралдааныг  7 хоногийн дотор зарлаж хуралдуулах ёстой. Хуулийн дагуу л явж байна. 

Мөн Төсвийн тухай хуульд заасны дагуу аймгийн ИТХ  орон нутгийн ирэх оны  төсвийг төсвийн жилд багтаан батлах ёстой гэж заасан байдаг. Төсвийн жил нэгдүгээр сарын 1-нээс  тухайн жилийн арванхорёдугаар сарын 31-нээр дуусгавар болдог. Хуулийн хугацаандаа багтаж аймгийн 2025 оны төсвөө батална гэдэгт аймгийн ИТХ-ын Ажлын алба итгэлтэй байна. Аймгийн ИТХ-ын Ажлын албанаас хурлын даргыг ИТХ-ын ээлжит бус II хуралдаан хуралдуулах дэгийг зөрчөөгүй гэж үзэж байгаа. 

Хэрвээ хуулийн хугацаандаа  баталж чадахгүй бол Монгол Улсын Засаг захиргаа нутаг дэвсгэрийн нэгж, түүний удирдлагын тухай хуульд заасан  зохицуулалтууд бий. Энэ хууль тогтоомжийн дагуу  л явна. Гэхдээ дахин хэлэхэд хуулийн хугацаандаа багтаж төсвөө батална гэдэгт итгэлтэй байна. Хэрэв үгүй бол үүнээс улбаатай төрийн албан хаагчдын цалин, хөрөнгө оруулалт бүтээн байгуулалтын ажлын  хугацаа хойшлох гэх мэтчилэн  гарах эрсдэлүүд нь их.  Аймаг төсвөө баталсны дараа хоёр сумдын ИТХ хуралдаж төсвөө батална. 
Орон нутгийн төсөвт дүгнэлт хийлгэхээр  Аудитын байгууллагад дүгнэлт хүргүүлдэг хуулийн заалттай. Үүний дагуу Аудит дүгнэлтээ аймгийн ИТХ-д танилцуулдаг. Аудитын байгууллага  хараат бусаар хяналтаа хэрэгжүүлж, дүгнэлтээ гаргадаг,  томилгоо нь  Үндэсний аудитын газраас хийгддэг босоо удирдлагатай, төрийн тусгай албан хаагч гэсэн ангилал зэрэглэлтэй ажилладаг.  Хурлын ажлын албанаас төлөөлөгчдөд хэлэлцэх асуудлуудын материалыг хүргүүлэхэд Ауидитын дүгнэлт ирээгүй байсан. Тиймээс Аудитын дүгнэлтийг хурлын төлөөлөгчдөд хүргүүлээгүй. Мөн заавал төлөөлөгчдөд хүргүүлнэ гэсэн хуулийн заалт байхгүй” гэв. 

Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 35-д Иргэдийн Төлөөлөгчдийн Хурлын бүрэн эрх хугацаанаас өмнө дуусгавар болох...
36.1.Иргэдийн Төлөөлөгчдийн Хурлын бүрэн эрхийн хугацаа дараах тохиолдолд хугацаанаас өмнө дуусгавар болно:
36.1.1.иргэдийн Төлөөлөгчдийн Хурлын нийт төлөөлөгчдийн олонх нь тухайн Хурал бүрэн эрхээ хэрэгжүүлэх боломжгүй гэж үзэж санал оруулсан бол Хурлын нийт төлөөлөгчийн гуравны хоёроос доошгүйн саналаар тухайн Хурал өөрөө тарах шийдвэр гаргасан бол;
36.1.2.анхдугаар хуралдааныг товлон зарласнаас хойш 50 хоногийн дотор анхдугаар хуралдааныг хуралдуулж Засаг даргад нэр дэвшүүлэх асуудлыг шийдвэрлэж чадаагүй, хуульд заасан хугацаанд төсвөө батлаагүй, түүнчлэн хуралдаан зарлаж товлосон хугацаанаас хойш хуралдахгүй 60-аас дээш хоног өнгөрсөн бол тухайн Хурлыг аймаг, нийслэлийн Засаг даргын санал оруулснаар Засгийн газар тараах шийдвэр гаргасан бол.
36.2.Хурлын бүрэн эрх хугацаанаас өмнө дуусгавар болсон тохиолдолд сонгуулийг 30 хоногийн дотор холбогдох хуульд заасны дагуу товлон зарлана” гэжээ. 

Мэдээллийн төв