Аймгийн Засаг дарга Б.Зоригтбаяр цэргийн тангараг өргөх ёслолд оролцлоо

Бүгд Найрамдах Монгол Ард Улсын Маршал Г.Дэмидийн нэрэмжит Байлдааны гавьяаны улаан тугийн одонт Зэвсэгт хүчний 186-р анги болон Цэргийн гавьяаны улаан тугийн одонт Зэвсэгт хүчний 110-р ангид 2024 оны II улиралд татагдан ирсэн хугацаат цэргийн алба хаагчид өнөөдөр “Цэргийн тангараг”-аа өргөлөө.
Зэвсэгт хүчний 110-р ангид алба хаагчдын тангаргийн баярт аймгийн Засаг дарга Б.Зоригтбаяр, Барилга инженерийн удирдах газрын дарга, Хурандаа Х.Батсайхан нар оролцож баяр хүргэж үг хэллээ. Түүнчлэн цэргийн алба хаагчдын эцэг эх, гэр бүлийн төлөөллүүд Улаанбаатар хот болон Булган, Хөвсгөл аймгуудаас хүрэлцэн иржээ.
Аймгийн Засаг дарга Б.Зоригтбаяр мэндчилгээ дэвшүүлж хэлсэн үгэндээ: “Монгол Улсын үндсэн хуулиар хүлээсэн иргэний цэргийн үүргээ үнэнчээр биелүүлж, Эх орноо батлан хамгаалах эр цэргийн тангарагтаа үнэнч байж улс, орон нутгийн бүтээн байгуулалтад гар бие оролцож, хөгжил дэвшилд үнэтэй хувь нэмэр оруулна гэдэгт итгэлтэй байгаагаа илэрхийллээ.
Цэргийн тангараг өргөх ёслолын үйл ажиллагаа өнөөдөр улс орон даяар нэгэн зэрэг эхэлсэн. Зэвсэгт хүчний 110-р ангийн урилгаар Улаанбаатар хотоос Барилга инженерийн удирдах газрын дарга, Хурандаа Х.Батсайхан хүрэлцэн иржээ.
Тэрээр үр хүүхдийнхээ боловсрол мэдлэгт анхаарч, эрүүл чийрэг, эх оронч үзлээр өгсөн хүмүүжүүлж, эх орныхоо тусгаар тогтнол, аюулгүй байдлыг сахин хамгаалах хүндтэй албанд мордуулан өнөөдрийн баярт өдрийг тэмдэглэж буй эцэг эх, гэр бүлийн төлөөлөлд талархаж байгаагаа илэрхийллээ. Түүнчлэн Батлан хамгаалах салбар, Зэвсэгт хүчний түүхэнд барилга инженерийн цэргүүдийн бүтээсэн үйлдвэржилт, зам барих, улс орныг хөгжүүлэх ажлууд тодоос тод бичигдсэн хэмээн онцоллоо.
Зэвсэгт хүчний 110-р анги нь Эрдэнэт хотын болон Батлан хамгаалах салбарын бүтээн байгуулалтад үнэтэй хувь нэмэр оруулсаар ирсэн юм. Барилга инженерийн цэрэгт алба хааснаар барилгын өргөн мэргэжлийг богино хугацаанд эзэмшин, мэргэжлийн үнэмлэх, чадавхын гэрчилгээ авч, онолоор сурсан мэдлэгээ эх орны бүтээн байгуулалтад дадлагаар бататган, томилолтын цалин авах боломжтой ажээ.

Мэдээллийн төв