Энэ онд бүтээн байгуулалт хөрөнгө оруулалтын чиглэлээр 302 төсөл арга хэмжээг хэрэгжүүлнэ
Орхон аймагт хийх хөрөнгө оруулалт бүтээн байгуулалтын ажлыг танилцуулах зорилгоор зохион байгуулж буй “Хөрөнгө оруулалт бүтээн байгуулалт 2024” нээлттэй өдөрлөг А.Амарын талбайд болж байна.
Үйл ажиллагааг нээж аймгийн Засаг дарга М.Түмэнжаргал хэлсэн үгэндээ бүтээн байгуулалтын ажлыг хийж гүйцэтгэхдээ шинэ дэвшилтэт технологийг тусгасан талаар онцоллоо.
Энэ онд аймгийн хэмжээнд бүтээн байгуулалт хөрөнгө оруулалтын чиглэлээр 302 төсөл арга хэмжээг хийж хэрэгжүүлэхээр 114 тэрбум төгрөгийг төлөвлөжээ. Тодруулбал: Авто замын засвар шинэчлэлтэд 59 тэрбум төгрөг, гэр хорооллын 12 багт 4,8 тэрбум төгрөгөөр гудамж хоорондын 2 мөртэй зам хийх, Баян-Өндөр сумын 24 баг болон сургууль цэцэрлэгийн гадна, дотор талд нийт 710 камер суурилахад 4,2 тэрбум төгрөг зарцуулна.
Нээлттэй өдөрлөгт төрийн байгууллагууд, хөрөнгө оруулалтын ажил гүйцэтгэгч аж ахуй нэгжүүд, Орхон аймгийн материал үйлдвэрлэгч компаниуд Улаанбаатар хотоос дулаалгатай металл фасад, айл өрх, хотхоны цэвэрлэх байгууламж, авто замын чулуун хийц эдлэлийг Монголдоо үйлдвэрлэгчид, авто замын материал ханган нийлүүлэгч компаниуд оролцож байна.
Мэдээллийн төв
