Төрийн албаны II улирлын ерөнхий шалгалтад 76 иргэн оролцлоо
2024 оны 2 дугаар улирлын Төрийн албаны ерөнхий шалгалтыг Орхон аймагт 5 ээлжээр зохион байгууллаа.
Нийт 90 иргэн бүртгүүлснээс 76 иргэн буюу 84.4 хувь нь ерөнхий шалгалтад ирж оролцов. Тэдгээрээс хоёр нь хөгжлийн бэрхшээлтэй иргэн байлаа.
Ерөнхий мэдлэгийн шалгалтад 45 иргэн буюу 59.2 хувь нь, Монгол хэл бичгийн чадварын шалгалтад 41 иргэн буюу 53.9 хувь нь, дүн шинжилгээ хийх чадварын шалгалтад 38 иргэн буюу 50.0 хувь нь тэнцэж төрийн албаны нөөцөд бүртгэгдлээ. Энэ нь өмнөх шалгалтаас 34 хувиар өссөн үзүүлэлт юм.
Ирцийн үзүүлэлтийг өмнөх шалгалттай харьцуулахад 5.8%-иар өссөн байна.
Нийт оролцогчдын 16 буюу 71.0 % нь эрэгтэй, 60 буюу 79.0 % нь эмэгтэй, насны ангиллаар авч үзвэл 18-25 насны төлөөлөл 14 , 26-40 насны төлөөлөл 52, 41-55 насны төлөөлөл 10 иргэн шалгалтад оролцов.
Дашрамд дурдахад, Төрийн албаны зөвлөлийн Орхон аймаг дахь салбар зөвлөл Төрийн албан хаагчийн хөгжлийн хөтөлбөрийн хүрээнд ерөнхий шалгалтад бүртгүүлсэн иргэдэд дэмжлэг үзүүлэх 3 өдрийн үнэ төлбөргүй сургалтыг Бат гэгээн эрдэм НҮТББ-тай хамтран зохион байгуулснаараа онцлог байлаа.
Шалгалтын зохион байгуулалтад ажлын хэсэг, салбар зөвлөл, Улсын бүртгэлийн хэлтэс, аймгийн Цагдаагийн газар , Тагнуулын газрын албан хаагчид хамтран ажиллалаа. Мөн шалгалтын явцат ямар нэгэн гомдол, техникийн саатал гараагүй болно.
Мэдээллийн төв
