Улсын төсвийн хөрөнгө оруулалтаар аймгийн хүнс, хөдөө аж ахуйн салбарт 5 төсөл хэрэгжинэ
Энэ онд улсын төсвийн хөрөнгө оруулалтаар аймгийн хүнс, хөдөө аж ахуйн салбарт таван төсөл хэрэгжинэ. Тодруулбал, Жаргалант суманд “Шинэ хөдөө тогтвортой хөгжил”, “Шинэ хөдөө хүлэмж”, “Шинэ хөдөө үйлдвэрлэгч өрх” зэрэг тус бүр 500 сая төгрөгийн хөрөнгө оруулалттай төсөл хэрэгжих юм.
“Шинэ хөдөө хүлэмж” төслийн хүрээнд 100 ширхэг хүлэмж, “Шинэ хөдөө үйлдвэрлэгч өрх” төслийн хүрээнд 27 өрхийн үйлдвэрлэлийг дэмжсэн тоног төхөөрөмж, “Шинэ хөдөө тогтвортой хөгжил” төслийн хүрээнд Жаргалант сумын агрофаркт 90 морины хүчин чадалтай хоёр трактор, хүнсний аюулгүй байдал, хүнсний хангамж” хөтөлбөрийн хүрээнд Мал эмнэлгийн лабораторийг чадавхжуулах тоног төхөөрөмжүүд нийлүүлэгдэнэ.
Өнгөрсөн онд улсын төсвийн хөрөнгө оруулалтаар буюу Хүнс, хөдөө аж ахуйн хөнгөн үйлдвэрийн сайдын багцаас манай аймагт “Үйлдвэрлэгч баг”, “Жишиг баг” төслийг хэрэгжүүлсэн.
Эдгээр төсөлтэй холбоотойгоор Аудитын байгууллагаас ирүүлсэн зөвлөмжийг аймгийн Хүнс, хөдөө аж ахуйн газрын дарга Ж.БАТ-Өлзий танилцуулав.
Тэрээр, Аудитын байгууллагаас ирүүлсэн зөвлөмжийн хүрээнд “Шинэ хөдөө” төсөлд хамрагдах иргэн, аж ахуйн нэгжээс өргөдөл, хүсэлт хүлээн авахгүй. Төсөл сонгон шалгаруулалтаар олгох ажлыг зохион байгуулна. Одоогийн байдлаар хүлэмж, тоног төхөөрөмжийн худалдан авалт хийгдэж байна” гэв.
Мэдээллийн төв
