2024 оны 04-р сарын 18

Группийн хуралд хугацаагүй сунгалт хийлгэх, шинээр хувь тогтоолгох иргэд зайлшгүй өөрийн биеэр ирэх шаардлагатай 

Өнөөдөр группийн буюу Эрүүл мэндийн магадлалын зөвлөл хуралддаг өдөр. Энэ өдрийн хурлаар иргэн Дорж, Бат гэхчлэн 50 гаруй иргэний  группийг хэдий хугацаанд сунгах, хэдэн хувиар тогтоох, хасах эсэхийг нь шийднэ. 

    Нийгмийн даатгалын багц хууль шинэчлэгдсэнтэй холбоотойгоор  Нийгмийн даатгалын ерөнхий хуульд өөрчлөлт оруулсан. Өмнө нь  “Эмнэлэг хөдөлмөрийн магадлах комисс” гэсэн нэршилтэй байсан группийн хурал “Эрүүл мэндийн магадлалын зөвлөл” болж өөрчлөгдсөн.  

Группийн хурлаар орох иргэн  өмнө хоёр хурлаар ордог байв. Өөрөөр хэлбэл,  группээ сунгуулах, шинээр тогтоолгох иргэн эхлээд “Эмнэлэг хяналтын комисс”-ын хурлаар орно. Тэндээс гарсан санал дүгнэлтээ аван /“Эмнэлэг хөдөлмөрийн магадлах комисс” хуучнаар/  Эрүүл мэндийн магадлалын зөвлөлийн хурлаар  орсноор тухайн иргэнтэй холбоотой эцсийн шийдвэр  гарна.

Энэ оны нэгдүгээр сарын 1-нээс өмнө   группийн хурлын явц ийм байв. 

Харин одоо “Эрүүл мэндийн магадлалын зөвлөл” гэсэн  нэг хурлаар орж асуудлаа шийдүүлж байгаа нь аль ч талаараа хүлээлт багассаныг иргэд хэлж байна. 

Эрүүл мэндийг дэмжих төвийн нэг давхарт 14:00 цагт эхэлсэн группийн хуралд 15:30 минутад 10 гаруй иргэн орохоор ээлжээ хүлээн сууна. 70, 80-уулаа бужигнадаг байсан өмнөхтэй харьцуулахад үйл ажиллагаа нь хамаагүй цэгцэрчээ.  Аймгийн ЗДТГ-аас сүүлийн хоёр жил группийн хурлын үйл ажиллагааг иргэдэд чирэгдэлгүй байлгахад нэлээдгүй анхаарч,  тодорхой асуудлуудыг шийдвэрлэж, холбогдох албаны  хүмүүст үүрэг чиглэл өгсний үр дүн юм.  

Өрхийн эрүүл мэндийн төвүүдэд “Цахим цаг авалт”  аппликейшнийг нэвтрүүлсэн нь хүлээгдлийн хувьд ихээхэн дэвшил болов. Өрхийн эрүүл мэндийн төв  таван хүн хурлаар оруулна гэвэл нэг хүнд 10 минут зарцуулна гэж тооцон 50 минутын дараа өөр нэг өрхийн эмнэлэг хурлаар орох хүмүүсээ авч ирэх жишээний.  Мөн хүнд болон хэвтрийн өвчтэй хүмүүсийг өөрийн биеэр ирүүлэхгүй байх нь зүйтэй гэж үзсэн. 

Өнөөдрийн группийн хуралд “Мөнхийн гэгээ” өрхийн эрүүл мэндийн төвөөс тэргэнцэртэй нэг иргэнийг авч иржээ. Шалтгаан нь тус эмнэлгийн их эмч өвчтөндөө эрүүл мэндийн бартелийн үнэлгээг нарийн мэргэжлийн эмч нараар хийлгэх шаардлагатай гэж үзсэн учраас авчирсан хэмээн тайлбарласан. 

   Нийгмийн даатгалын хэлтсийн дарга, Эрүүл мэндийн магадлалын зөвлөлийн дарга Д.Нармандах хэлэхдээ “Нэг үеэ бодвол Эрүүл мэндийн магадлалын зөвлөлийн буюу группийн хурлын үйл ажиллагаа сайжирч иргэдэд, чирэгдэлгүй болж байна. Хэвтрийн болон хүнд өвчтэй иргэдийг заавал авчрахгүйгээр өрхийн эмч  хариуцан сунгалтыг нь хийлгэж байна. Иргэн зайлшгүй өөрийн биеэр ирэх ёстой тохиолдол бий. Энэ нь удаан хугацаагаар  группээ сунгах гэж байгаа буюу хугацаагүй сунгалт хийх гэж байгаа болон  шинээр хувь, хугацаа тогтоолгох иргэн зайлшгүй өөрийн биеэр ирэх шаардлагатай. 

Энэ он гарсаар Эрүүл мэндийн магадлалын зөвлөл зургаан удаа хуралдаж 380 гаруй иргэний асуудлыг шийдсэн. Мөн шинээр 46 иргэн групп тогтоолгосон бол 36 иргэний эмнэлэг,  хөдөлмөрийн алдалтын хугацааг цуцалсан. Ирэх долоо хоногт Эрүүл мэндийн магадлалын төв зөвлөлийн хоёр эмч манай аймагт ажиллана. 2023 оны групп сунгалт хийсэн иргэдийн материалд хяналт хийнэ”гэв. 

   Иргэнийг биечлэн авч ирэхгүй байхын сул тал нь Өрхийн эрүүл мэндийн төвүүдийн эмч нарын хоорондын мэдээлэл солилцох уялдаа холбоон дээр хүндрэл гарч буйг албаныхан хэлж байна. Өөрөөр хэлбэл, өрхийн эмнэлгүүдийн ачааллаас хамаараад энэ долоо хоногт нэг эмч өвчтөнүүдээ авч орсон бол дараагийн долоо хоногийн хурлаар өөр эмчийн ээлж таарахад  хүндрэл гардаг байна.  Үүнийг сайжруулахаар  Эрүүл мэндийн газартай хамтран ажиллаж байна гэж Нийгмийн даатгалын хэлтсийн дарга, Эрүүл мэндийн магадлалын зөвлөлийн дарга Д.Нармандах хэлсэн. 

Группийн хурлын шийдвэрийг тухайн иргэн эс хүлээн зөвшөөрвөл төв зөвлөлд гомдол гаргах эрхтэй.  2022 онд энэ төрлийн гомдлыг   8 иргэн гаргасан бол 2023 онд гурван иргэн гаргасан байна. 

“Эрүүл мэндийн магадлалын зөвлөл” нь 10 хүний бүрэлдэхүүнтэй. Комиссын даргаар аймгийн Нийгмийн даатгалын хэлтсийн дарга, орлогч даргаар нь БОЭТ-ийн Эмчилгээ эрхэлсэн орлогч дарга, нарийн бичгээр нь тухайн эмнэлгийн дүн бүртгэлийн эмч ажилладаг.  Мөн Нийгмийн даатгалын хэлтсээс магадлагч эмч, нарийн мэргэжлийн эмч нар, халамжийн байгууллага, үйлдвэрчний эвлэл, хөгжлийн бэрхшээлтэй иргэдийн төлөөлөл багтдаг. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64246

Facebook

Цаг агаар

Вебийн статистик

Таны IP хаяг: 3.235.172.123
  • 5 Онлайн
  • 414 Өнөөдөр
  • 327 Өчигдөр
  • 1544 Долоо хоногт
  • 15205 Сүүлийн сард
  • 6930417 Нийт хандалт