2024 оны 05-р сарын 30

Энэ онд БОЭТ-д орон нутгийн төсвийн 3,5 тэрбум төгрөгөөр хөрөнгө оруулалт хийнэ

Засаг даргын орлогч М.Түмэнжаргал, хэлтэс агентлагийн дарга нарын хамтаар иргэдтэй уулзаж 2023 оны ажил, 2024 онд улс болон орон нутгийн төсвөөр хийх хөрөнгө оруулалт, бүтээн байгуулалтын ажлын талаарх мэдээллийг өгөхийн зэрэгцээ иргэдийн санал, хүсэлтийг сонсч байна. Өнөөдөр Баянбулаг, Булаг багийн иргэдтэй уулзлаа.

2024 онд эрүүл мэндийн салбарт орон нутгийн төсвийн  3.5 тэрбум төгрөгийн хөрөнгө оруулалт хийхээр төлөвлөж буй талаар Засаг даргын орлогч М.Түмэнжаргал мэдээлэлдээ онцлов.

Тодруулбал, энэ онд  БОЭТ-ын Мэс засал, Гэмтлийн тасагт их засвар хийхээр төлөвлөжээ. Мөн  4D, 5D эхо аппарат зэрэг тоног төхөөрөмжтэй болгох, авто зам, зогсоолын их засвар хийхээр төлөвлөсөн байна.

2020 оноос эрүүл мэндийн салбартаа онцгой анхаарч улс болон орон нутгийн төсвийн 23,5 тэрбум төгрөгийн хөрөнгө оруулалт хийсэн. Үүний  10,2 тэрбум нь орон нутгийн төсөв байна.  2023 онд БОЭТ хавдрын Бай эмчилгээ, дурангийн тасаг зэрэг гурван том үйлчилгээг нэвтрүүлсэн. Орон нутагтаа шинэ эмчилгээ, үйлчилгээг нэвтрүүлснээр III шатлалын эмнэлэг рүү зорчих иргэдийн тоог бууруулаад байна.

Мөн энэ онд Булаг, Баянбулаг багт орон нутгийн төсвийн хөрөнгө оруулалтаар ажлын мэдээллийг хүргэе.

2024 онд Баянбулаг багт...

  • Камержуулалт: Орон нутгийн төсвийн 161,1 сая төгрөгийн хөрөнгө оруулалтаар Баянбулаг багт 15 цэгт нэг чиг хардаг 15, эргэдэг 5 ширхэг камер шинээр суурилуулна. Ингэснээр одоо ажиллаж байгаа 13 камер дээр 20 камер шинээр нэмэгдэх юм.
  • Хатуу хучилттай авто зам: Орон нутгийн төсвийн 831,6 сая төгрөгөөр Баянбулаг баг, 27 дугаар цэцэрлэгийн тойргоос 16 дугаар сургуулийн уулзвар хүртэлх замд их засвар, 18 дугаар цэцэрлэгийн гадна авто зогсоолд засвар хийнэ. Энэ нь нийт 1,1 км авто зам байна.
  • Гудамж хоорондын хоёр мөртэй зам: Орон нутгийн төсвийн 685 сая төгрөгөөр Баянбулаг багийн гурван гудамжинд 1,3 км бетонон хоёр мөртай зам хийнэ.

2024 онд Булаг багт...

  • Камержуулалт:Орон нутгийн төсвийн 100,3 сая төгрөгийн хөрөнгө оруулалтаар Булаг багт нэг чиг хардаг 7, эргэдэг 5 ширхэг камер шинээр суурилуулна. Одоо ажиллаж байгаа 40 камер дээр 12 камер шинээр нэмэгдэнэ.
  • Тохижилт: Орон нутгийн төсвийн 332,1 сая төгрөгийн хөрөнгө оруулалтаар Булаг баг 9,25 дугаар гудамжинд хүүхдийн тоглоомын талбайн тохижилт хийнэ.
  • Хатуу хучилттай авто зам: Орон нутгийн төсвийн 131,4 сая төгрөгөөр Наран багийн 74 дүгээр гудамжны уулзвараас Булаг багийн уулзвар хүртэлх 0,683 км авто замд их засвар шинэчлэлийн ажил хийнэ.
  • Гудамж хоорондын хоёр мөртэй зам: Орон нутгийн төсвийн 297 сая төгрөгийн хөрөнгө оруулалтаар Булаг багийн 12-14 дүгээр гудамжинд 17,35,38 дугаар дамнасан гудамжинд 1,25 км урттай бетонон хоёр мөрт зам хийнэ.

Мэдээллийн төв

 

 

 

 

 

 

 

 

 

 

 

 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64267

Facebook

Цаг агаар

Вебийн статистик

Таны IP хаяг: 3.215.16.238
  • 13 Онлайн
  • 978 Өнөөдөр
  • 1686 Өчигдөр
  • 6058 Долоо хоногт
  • 18360 Сүүлийн сард
  • 6953887 Нийт хандалт