Аймгийн 2024 оны төсвийг баталлаа
Аймгийн 2024 оны төсвийг ИТХ-ын ээлжит 17-р хуралдаанаар хэлэлцэн баталлаа. Төсвийн орлогыг 392.1 тэрбум төгрөгөөр төлөвлөсөн бөгөөд үүнээс 179.6 тэрбум нь улсын төсөвт төвлөрүүлэх орлого байна.
2024 онд Авто замын сан, орон нутгийн хөгжлийн сан, Байгаль хамгаалах сан, орон нутгийн хөрөнгө оруулалт болон шилжих үлдэгдэл нийлээд нийт 135,7 тэрбум төгрөгийн бүтээн байгуулалтын ажил хийнэ.
Ирэх онд авто замын шинэчлэлт засварын ажилд 50 тэрбум төгрөг, камержуулалтын ажилд 4 тэрбум төгрөг, гэрэлтүүлгийн ажилд 2 тэрбум төгрөг, эрүүл мэндийн салбарт 2,5 тэрбум төгрөг, боловсролын салбарт 6,4 тэрбум төгрөг , дэд бүтэц буюу цахилгааны хүчдэл нэмэгдүүлэх болон инженерийн шугам сүлжээний засварт 3,0 тэрбум төгрөгийг тус тус зарцуулна.
Мөн төрийн албан хаагчдад олгох орон нутгийн нэмэгдлийг хэвээр үлдээж, нэмэлтээр улсын төсвийн 88 байгууллагын 1640 албан хаагчдад орон нутгийн нэмэгдэл олгохоор тусгасан байна. Үүнд нийт 7,9 тэрбум төгрөгийг зарцуулна.
Мэдээллийн төв
