Аймгийг хөгжүүлэх таван жилийн үндсэн чиглэлийн биелэлт 89.9 хувьтай байна
Орхон аймгийг хөгжүүлэх таван жилийн үндсэн чиглэлийн 2023 оны жилийн эцсийн урьдчилсан биелэлтийг аймгийн ИТХ-ын ээлжит 17-р хуралдаанаар хэлэлцлээ. Хуралдаанд аймгийн Засаг даргын орлогч М.Түмэнжаргал илтгэлийг танилцууллаа.
Нийт 8 бүлэг, 33 зорилт, 164 үйл ажиллагаатай Орхон аймгийг хөгжүүлэх таван жилийн үндсэн чиглэлийн жилийн эцсийн урьдчилсан биелэлтийн дүн 89.9 хувийн гүйцэтгэлтэй гарчээ. Нийт төлөвлөсөн арга хэмжээнээс: 90-100 хувийн гүйцэтгэлтэй 130 арга хэмжээ, 70-89 хувийн гүйцэтгэлтэй 24 арга хэмжээ, 50 хувийн гүйцэтгэлтэй 4 арга хэмжээ, 30 хувийн биелэлтэй 4 арга хэмжээ байна.
Аймгийг хөгжүүлэх таван жилийн үндсэн чиглэл нь иргэдийн мэдлэг боловсролыг дээшлүүлэн, эрүүл аюулгүй амьдрах нөхцөл боломжийг нэмэгдүүлж, бизнес эрхлэгчдийн эрх зүйн орчин нөхцлийг сайжруулан, хотын хөгжил, байгаль орчны экологийн тэнцвэрт байдлыг хангах зорилготой. Түүнчлэн төрийн үйлчилгээг ухаалаг, цахим болгож, иргэн төвтэй, иргэдийн оролцоог хангасан шийдвэр гаргаж, ая тухтай амьдрах хөгжлийн чиг хандлагыг нэмэгдүүлэх ажээ.
Мэдээллийн төв
