БОЭТ доторх 1945 метр квадрат талбайд хучилт хийв
Даваа гаригийн Засаг даргын шуурхай зөвлөгөөнөөр өнгөрсөн долоо хоногийн үүрэг даалгаврын биелэлтийг хэлэлцлээ. Өнгөрсөн долоо хоногт авто замын засвар нөхөөсний ажлыг эрчимжүүлэх үүрэг даалгаврыг холбогдох байгууллагуудад өгсөн.
Хүрэнбулаг багийн Үйлчилгээний төвийн урд хэсгийн 1851 метр квадрат талбай, Зэст багийн БОЭТ-ийн доторх 1945 метр квадрат талбайг халуун асфальтбетоноор нөхөх ажлыг “Нигүүлсэн зам” ХХК энэ сарын 20-22-ны өдрүүдэд хучилт хийв.
Мөн хотын доторх авто замын нүхэн эвдрэлийг халуун асфальт бетоноор нөхөх ажлыг "Жи пи экспресс финанс" ХХК Согоот багт 134 метр квадрат талбайд хийж гүйцэтгэсэн байна.
"Эрхэм нөхөд" ХХК хотын доторх авто замын нүхэн эвдрэлийг зүсвэрлэх ажлыг Говил, Баянцагаан, Уртбулаг, Согоот, Шанд, Дэнж, Эрдэнэ багт 2530 м квадрат талбайд хийж, Хүрэнбулаг, Уурхайчин, Говил, Баянцагаан багт 486 метр квадрат талбайг халуун асфальтбетоноор нөхжээ.
Мэдээллийн төв
