2022 оны 11-р сарын 29

Орхон аймагт гамшгаас хамгаалах иж бүрэн сургууль зохион байгуулагдаж байна

       Монгол Улсын Шадар сайдын аймгийн Засаг даргатай байгуулсан үр дүнгийн гэрээний дагуу манай аймагт гамшгаас хамгаалах иж бүрэн сургууль 10-р сарын 1-ээс эхлэн зохион байгуулагдаж байна.  
          Сургуулийг ОБЕГ-ын дэд дарга, бригадын генерал Б.Ууганбаяраар ахлуулсан ажлын хэсэг удирдан явуулж байна. 
Орхон аймагт гамшгаас хамгаалах иж бүрэн сургууль нь 11 жилийн дараа зохион байгуулагдаж байгаа бөгөөд энэ удаагийн сургуулиар төв суурин газрын газар хөдлөлтийн эрсдэлийг бууруулах, хариу арга хэмжээг сайжруулах, харилцан үйл ажиллагааг боловсронгуй болгоход чиглэн ажиллах юм. 
         Сургалт 3 үе шаттай явагдана. Тодруулбал: 
-    Иргэд олон нийтэд хандсан “Аюулгүй амьдрах ухааны мэдлэг ойлголт” сургалт болон бүх шатны Засаг дарга нар, Онцгой комиссын гишүүдэд “Удирдах бүрэлдэхүүний гамшгаас хамгаалах менежмент” танхимын сургалтуудыг тус тус зохион байгуулж мэдлэг мэдээллээр хангана. 
-     Орхон аймгийн бүх шатны Засаг дарга, Онцгой комисс, гамшгаас хамгаалах орон нутгийн алба, мэргэжлийн анги, хуулийн этгээдийн томилгоот бүрэлдэхүүнийг “Цугларалт” дохиогоор ажиллуулж команд штабын дадлага сургуулилт хийж хамтын ажиллагааг сайжруулна. 
-    Газар хөдлөлтын үед орон сууцны барилгаас иргэдийг нүүлгэн шилжүүлэх,  төмөр замын ослын үеийн аврах ажиллагааны дууриалган үзүүлэх дадлага сургуулидыг тус тус зохион байгуулна. 
       Иж бүрэн сургуулийн үйл ажиллагаа энэ сарын 9-ийг дуустал явагдах бөгөөд өнөөдөр иргэдийн сургалт, Онцгой комиссын гишүүдийн өргөтгөсөн хуралдаан, мэргэжлийн албадын бэлтгэл бэлэн байдлын урьдчилсан шалгалт зэрэг үйл ажиллагаагаар үргэлжилж байна. 

Мэдээллийн төв 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.236.65.63
  • 5 Онлайн
  • 196 Өнөөдөр
  • 419 Өчигдөр
  • 615 Долоо хоногт
  • 6291 Сүүлийн сард
  • 6681758 Нийт хандалт