Орон нутгийн хөрөнгө оруулалтаар хэрэгжүүлж болохуйц залуучуудаас гарсан 15 саналыг эрэмбэлэв
Засаг дарга С.Батжаргал орон нутгийн хөрөнгө оруулалтад залуус, иргэдийн саналыг тусгах нь зүйтэй гэж үзэж, холбогдох газар хэлтсүүдэд үүрэг болгосон. Үүний хүрээнд ЗДТГ-ын ХОХБХ-ээс “Орон нутгийн хөрөнгө оруулалтад залуучуудын саналыг тусгах” уулзалтыг энэ сарын 4-нд зохион байгуулж, 25 багийн 100 орчим залуус оролцон санал бодлоо илэрхийлсэн. Дээрх уулзалтаар 106 санал гаргасныг хэлэлцэж, төсөл хөтөлбөр болон бодлогын төвшинд шийдвэрлэж болохоор нийгмийн салбарын 29 саналыг Нийгмийн бодлогын хэлтэст хүргүүлсэн байна. Харин орон нутгийн хөрөнгө оруулалтаар хэрэгжүүлж болохуйц 15 саналыг эрэмбэлж, ажлын хэсгээр хэлэлцүүлэхээр болжээ. Тодруулбал, Залуучууд зуны гэр цэцэрлэг, ясли, хөгжлийн бэрхшээлтэй хүүхэд тоглох тоглоомын талбай зэргийг байгуулах санал гаргасныг эрэмбэлж холбогдох ажлын хэсгүүдээр хэлэлцэх юм.
Мэдээллийн төв
