“Бүх хайраа гэр бүлдээ” гэр бүлийн өдөрлөг Эрдэнэт цэцэрлэгт хүрээлэнд болж байна

Дэлхийн гэр бүлийн өдөр болон гэр бүлийн хөгжил оролцоо сарын аяны хүрээнд зохион байгуулж буй “Бүх хайраа гэр бүлдээ” гэр бүлийн өдөрлөг Эрдэнэт цэцэрлэгт хүрээлэнд болж байна.
Тус арга хэмжээ нь гэр бүлийн үнэ цэнийг нэмэгдүүлэх, хүүхдийн хөгжлийг дэмжихэд эцэг эхийн оролцоог хангах, спорт танин мэдэхүйн мэдлэг ойлголтыг хөгжүүлж, гэр бүлийн сайн сайхны төлөө үйл ажиллагааг дэмжих зорилгоор зохион байгуулж байна.
“Бүх хайраа гэр бүлдээ гэр бүлийн өдөрлөгийг аймгийн Засаг даргын Тамгын газар, гэр бүл хүүхэд залуучууд хөгжлийн газар хамтран зохион байгуулж байг
Өдөрлөгийн хүрээнд жүжигчилсэн тоглолт, спортын арга хэмжээ – “Аав Ээж Би” буухиа тэмцээн, циркийн үзүүлбэр, урлагийн тоглолт болон “Open Mic”ковер дууны тэмцээн, бүжгийн сургалт, угийн бичгийн ач холбогдлын талаар сургалт, гар зургийн уралдаан зэрэг үйл ажиллагаанууд явагдаж байна.
Орхон аймаг 5-р сарыг “гэр бүлийн хөгжил оролцоо”-ны сар болгон зарлаж гэр бүлд чиглэсэн олон талт арга хэмжээг зохион байгуулж байгаа юм. Түүнчлэн аймгийн Засаг даргын захирамжаар сар бүрийн 4 дэх долоо хоногийн бямба гарагийг гэр бүлийн хөгжлийн өдөр болгон зарласан. Иймд бүх хайраа гэр бүлдээ өдөрлөгийг энэ өдөр зохион байгуулж буй юм.
2021 оны байдлаар Орхон аймгийн хүн ам 106,145 мянгад хүрч түүний 31,5 хувийг 0-14 насны хүүхэд, 28,7 хувийг 15-34 насны өсвөр үе, залуучууд эзэлж байна.
Монгол улсын Засгийн газрын 2016-2020 оны үйл ажиллагааны хөтөлбөрт Гэр бүл хүүхэд залуучуудын асуудал эрхэлсэн төрийн байгууллагын бүтцийг бий болгож монгол гэр бүлийн үнэт зүйлсийг бэхжүүлж бат бэх хариуцлагатай гэр бүлийг дэмжих, цаашлаад хүчирхийллийг бууруулах хүчирхийлэлд өртөгчдийг хамгаалах, гэр бүлийн гишүүдийн хариуцлагыг нэмэгдүүлэх, гэр бүлд зөвлөх болон хүүхэд хамгааллын үйлчилгээнүүдийг хөгжүүлэх, хүүхдийн хүмүүжил, төлөвшилд үндэсний өв уламжлал, урлаг соёлоор дамжуулан эерэгээр нөлөөлөх бодлого хэрэгжүүлэхээр тусгасан байдаг. Түүнчлэн бага насны хүүхдийн осол эндлийн түвшинг 2 дахин бууруулах, хараа хяналтгүй хүүхдийн бүртгэл хяналтыг сайжруулж насанд хүртэл нь хамгаалах, амьдралд хөлөө олоход нь туслах бодлого хэрэгжүүлэх тухай чухал зорилтууд тусгагдсан.

Мэдээллийн төв