2022 оны 07-р сарын 06

“Гэр бүлийн ойн төгөл”-д иргэд гэр бүл, найз нөхөд, хамт олноороо мод тарилаа

Аймгийн Засаг даргын захирамжаар Баян-Өндөр хайрханы бэл Хүрэнбулагийн аманд байгуулсан  “Гэр бүлийн ойн төгөл”-д өнөөдөр иргэд гэр бүл, найз нөхөд, хамт олноороо мод тарилаа. “Гэр бүлийн ойн төгөл”-д найман төрлийн 2500 гаруй модыг иргэдийн оролцоотой суулгаж, тарьж ургуулан эрүүл агаарт чөлөөт цагаа өнгөрүүлэх ногоон орчин бүрдүүлэх эхлэлийг өнөөдөр тавив.  
Засаг дарга С.Батжаргал “Баян-Өндөр уулынхаа хормойд байгуулж буй ойн төгөлөө арчилж хамгаалан тав тухтай ногоон орчинг бүрдүүлэхэд гэр бүл, иргэн бүрийг үүрэг оролцоо чухал. Модыг зөвхөн тариад орхих биш тарьсан модоо усалж, арчилж ургуулах хэрэгтэй. Мөн Та бүхний тарьсан модыг мэргэжлийн байгууллага арчилгаа, усалгааг бүрэн хариуцаж ургуулна гээд хамтын хүчээр ногоон төгөлөө бий болгоё” гэлээ.


“Гэр бүлийн ойн төгөл”-ийг бүтээн байгуулахад “Эрдэнэт-Булганы цахилгаан түгээх сүлжээ” ТӨХК нийгмийн хариуцлагын хүрээнд тог цахилгааныг шийдэж, 300 ширхэг шинэс мод тарих юм. Мөн 7000 мянган ширхэг хайлаас мод тарьж ургамлан хашаа хийсэн мэргэжийн байгууллагууд Засаг дарга талархал илэрхийллээ.

Монгол Улсын ерөнхийлөгч У.Хүрэлсүхийн санаачилсан “Тэрбум мод” үндэсний хөдөлгөөн, аймгийн хэмжээнд хэрэгжүүлж буй “Ногоон Эрдэнэт” хөтөлбөрийн хэрэгжилтийг хангах хүрээнд Орхон аймаг 2020-2024 он хүртэл 20 сая ширхэг  мод тарих зорилго тавьсан.  2022 оны хавар “Ногоон Эрдэнэт” хөтөлбөрийн хүрээнд олон нийтийн оролцоотойгоор 170,000 ширхэг мод, улсын болон орон нутгийн төсвийн хөрөнгөөр ойжуулалт, ойг нөхөн сэргээх, ойн зурвас байгуулах аргачлалаар 750,000 ширхэг мод тарихаар төлөвлөсөн.
 

Мэдээллийн төв

 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.236.107.249
  • 5 Онлайн
  • 214 Өнөөдөр
  • 319 Өчигдөр
  • 817 Долоо хоногт
  • 1382 Сүүлийн сард
  • 6641223 Нийт хандалт