2022 оны 07-р сарын 06

Хүүхэд, залуучуудад эх оронч үзэл төлөвшүүлэх Засаг даргын нэрэмжит Цэрэг-Спортын “Дөл” тэмцээн болж байна

Орчин цагийн Зэвсэгт хүчин үүсэн байгуулагдсаны 101 жилийн ой, Монгол Улсын зэвсэгт хүчин Даян дэлхийд энхийг сахиулах ажиллагаанд оролцсоны 20 жилийн ойг  тохиолдуулан аймгийн Засаг дарга С.Батжаргалын нэрэмжит Цэрэг-Спортын “Дөл” тэмцээн өнөөдөр эхэллээ.
Хүүхэд, залуучуудад цэрэг эх оронч хүмүүжил олгох зорилгоор зохион байгуулж буй уг тэмцээнд аймгийн Ерөнхий боловсролын 16 сургуулийн 240 ахлах ангийн сурагчид  16 баг болон оролцож байна. Оролцогчид хагас сарын хугацаанд хагас цэрэгжилтийн байдалтай бэлтгэл хийж, хоёр өдрийн турш жагсаалын үзүүлэх тоглолт, гардан тулаан, эссэ бичлэгийн уралдаан, галын бэлтгэлийн норматив,марш гүйлт гэсэн гурван үе шаттай 12 төрлөөр хурд хүч, авхаалж самбаагаа сорих юм.


Цэрэг-Спортын “Дөл” тэмцээний нээлтэд УИХ-ын гишүүн Д.Батлут, Засаг дарга бөгөөд Батлан хамгаалах газрын дарга С.Батжаргал, Засаг даргын орлогч А.Түвшинжаргал, Засаг даргын газрын цэргийн штабын дарга, дэд хурандаа Б.Оюунтүлхүүр, Зэвсэгит хүчний 186 дугаар ангийн захирагч хурандаа Д.Жигжидсүрэн  болон бусад албаны хүмүүс оролцлоо.
Засаг дарга С.Батжаргал  “Цэрэг-Спортын “Дөл” тэмцээнд оролцогчдод амжилт хүсэн, сургуулийн удирдлагууд болон сурагчдын ар гэр, бэлтгэл хангасан багш нарт талархлаа илэрхийлэв.  Жил бүр Монгол Улсын Ерөнхийлөгч, Зэвсэгт хүчний ерөнхий командлагчийн ивээл дор уламжлал болгон зохион байгуулагддаг  Цэрэг-Спортын “Дөл” тэмцээний улсын аварга шалгаруулах тэмцээнд ирэх наймдугаар сард болох юм.
Хүүхэд залуучуудад цэрэг эх оронч үзэл төлөвшүүлэх, бие бялдрын болон сэтгэл зүйн хүмүүжил олгох, эх орноо батлан хамгаалах бэлтгэл эзэмшүүлэх зорилгоор зохион байгуулж буй  Засаг даргын нэрэмжит Цэрэг-Спортын “Дөл” тэмцээний ялагчид улсын аварга шалгаруулах тэмцээний бэлтгэлдээ зуны саруудад гарах юм.

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.236.107.249
  • 8 Онлайн
  • 214 Өнөөдөр
  • 319 Өчигдөр
  • 817 Долоо хоногт
  • 1382 Сүүлийн сард
  • 6641223 Нийт хандалт